برایان هۆک نوێنەری تایبەتی وەزارەتی دەرەوەی ئەمریکا بۆ کاروباری ئێران ئاشکرای کرد گەمارۆکانی واشنتۆن بوونەتە هۆکار بۆ ئەوەى کە کۆماری ئیسلامی نەتوانێت وەک جاران هاوکاری حیزبووڵای لوبنان بکات. هۆک بە هەڵسەنگاندنی داهاتی چەکدارێکی حیزبوڵا لەگەڵ ئەندامێکی تیمە ئاگرکوژێنەوەکانی ئێران گووتی "ئەو پارەیەى کە چەکدارێکی حیزبوڵا وەریدەگرێ زۆر زۆرترە لەو مووچەیەى کە مانگانەی ئەندامێکی تیمە ئاگرکوژێنەوەکانی ئێران وەری دەگرێت".
هۆک ئاماژەدان بە ڤیدیۆیەکی حەسەن نەسروڵا کە داوای لە لاینگرانی خۆی کردبوو هاوکاری ماڵی حیزبوڵا بکەن، گووتی "ئێمە نیشانەکانی ئەو گوشارانە دەبینین و چاومان لەسەر ئەوەیە کە ڕێبەری حیزبوڵا داوا لە خەڵکی دەکات سەدەقە بەو ڕێکخراوەیە بکەن"، هۆک هەروەها باسی هاوکارییەکانی کۆماری ئیسلامی بە حوسییەکانی یەمەنی کرد و گووتی ئەو کارانەی ئێران دەیکات زۆر زۆرترە لەوەی لە میدیاکاندا لەسەری بڵاو دەبێتەوە. لە چل ساڵی ڕابردوودا کۆماری ئیسلامی سەدان ملیۆن دۆلاری داوەتە حوسییەکانی یەمەن.
ناوبراو بە ئاماژەدان بە هەڵاواردن دژی شێعەکانی ئێران گووتی: حوسییەکان بە خراپی بە کار هێنراون و حوسییەکانی ئێران واتە "زەیدییەکان" کە ئێران لە یەمەن هاوکاریان دەکات لە ئێران تووشی هەڵاواردن دەبنەوە.
