تەقەی ڕاستەوخۆی هێزەکانی دەریاوانی بۆ پۆلێک سووتەمەنیبەر لە بەندەری کۆستەک، لە ٢٥ کیلۆمەتری شاری سیریک و میناب لە پارێزگای هورموزگان، بووە هۆی کوژرانی لانیکەم بەلووچێک و برینداربوونی ئەویتریان.
بەپێ ئەو گرتە ڤیدیۆیانە کە لە کاناڵەکانی سۆشاڵ میدیا و بە پێ ڕاپۆرتی هەواڵدەریی مافی مرۆڤ، لەوانە «کەمپەینی فەعالینی بەلوچ»، ئەم شەڕە ڕۆژی هەینی ۲۲ ڕەشەممە ڕوویداوە و هێزەکانی دەریاوانی لە سیریکی هورموزگان تەقەیان کردووەتە سەر پۆلێک سووتەمینیبەر و لە ئاکامدا سووتەمەنیبەرێک بەناوی «شه‌رسان رەئیسی» کوژراوە و سووتەمەنیبەرێکی دیکە بریندار کراوە وخەڵکیی تووڕەش دەستیان کردووەتە ناڕەزایەتی دەڕبڕین.
هیچ زانیارییەک لەسەر شوناسی سووتەمەنیبەرە بریندارەکانی بەلوچ نییە؛ سووتەمەنیبەرە بریندارەکان لە ترسی دەستبەسەربوون نەچوونەتە نەخۆشخانە و بارودۆخی سەلامەتییان هەم ناجێگیرە و هەم بێ پشتیوانەی چارەسەریی پزیشکیدایە.
وتراوە پاش کوژران و برینداربوونی دووکەس لە سووتەمینیبەران، خەڵکی کۆستەک لە بەرامبەر ئیسکله کۆ بوونەوە و لەم کۆبوونەوەکەدا هێزە ئەمنییەکان هاووڵاتییەک بە ناوی ڕاشد تورکمانی(مەلاحی)یان بریندار کرد.
هەروەتر وتراوە شارۆمەندە ناڕازییەکان، ئاگریان بەرداوەتە بەلەم و پاپۆڕەکانی ئەو ئیسکلەیە.
