لە دەسپێکی شەڕی ئێران لەگەڵ ئەمریکا و ئیسرائیل، هەرێمی کوردستان بە 719 درۆن و مووشەک بۆردوومان کراوە؛ لە ئەنجامدا 18 کەس گیانیان لەدەستداوە و 94 کەسیش بریندارن. 16 لەو درۆن و مووشەکانەی ئاراستەی هەرێمی کوردستان کران، لە دوای ئاگربەست بووە.
تۆڕی مافەکانی مرۆڤی کوردستان لە ڕاپۆرتی ساڵانەی خۆیدا بۆ ساڵی 1404، ڕەوشێکی مەترسیداری مافەکانی مرۆڤی لە ڕۆژهەڵاتی کوردستان و ناوچە کوردنشینەکانی ئێران وێنا کردووە.
لە ماوەی چەند ڕۆژی ڕابردوودا، ناسر یادیار، موسا یادیار و هەمزە یادیار، سێ برای خەڵکی بۆكان، بە دانانی بارمتە، بەشێوەیەکی کاتی لە زیندانی ئەم شارە ئازاد کران.
نزیکەی هەفتەیەکە چارەنووسی یوسف کەریمی، هاوڵاتیی نیشتەجێی بۆکان نادیارە، کە لەلایەن هێزە ئەمنییەکانی ئێرانەوە دەستبەسەر کراوە. بەپێی زانیارییەکانی تۆڕی مافەکانی مرۆڤی کوردستان، ئەو گەنجە لە 14ی خاکەلێوەی 1405، لە کاتی هەڵکوتانە سەر ماڵەکەیان بەبێ بڕیاری دادوەر دەستگیر کراوە.
سەرەڕای ڕاگەیاندنی ئاگربەستێکی دوو هەفتەیی لە نێوان ئێران، ئەمریکا و ئیسرائیل، هێرشە درۆنی و مووشەکییەکان بۆ سەر هەرێمی کوردستان نەوەستاون. بەپێی زانیارییەکان، لە دوای دەسپێکی ئاگربەستەکە لە ڕۆژی چوارشەممەوە، تائێستا لانیکەم چوار درۆنی دیکە ئاراستەی هەولێر و دەوروبەری کراون.
هێزە ئەمنییەکانی کۆماری ئیسلامیی ئێران لە ماوەی دوو ڕۆژی ڕابردوودا دوو هاووڵاتیی کوردی دانیشتووی شاری مەڵگشایان لە پارێزگای ئیلام دەستبەسەر کردووە و بۆ شوێنێکی نادیار گواستراونەتەوە.
لە کاردانەوەیەکی توونددا بەرامبەر لێدوانەکانی ڕەزا پەهلەوی، هاوپەیمانیی هێزە سیاسییەکانی کوردستانی ئێران ڕایگەیاند، دیدگای کوڕی دوایین شای ئێران بۆ داهاتووی وڵات، درێژەپێدەری هەمان سیاسەتی "سەرکوتکاری و فاشیزمی" ڕێژیمەکانی ڕابردوو و ئێستای تارانە و هیچ جیاوازییەکی بنەڕەتییان لەگەڵ یەکدی نییە.
دامودەزگا ئەمنییەکانی ئێران گوشارێکی توندیان بۆ سەر کۆچەرییەکانی ناوچەی "دەشتی گەرمسێر" لە پارێزگای کرماشان دەستپێکردووە و فەرمانیان پێکردوون دەستبەجێ زێدی خۆیان چۆڵ بکەن.
هێزە ئەمنییەکانی کۆماری ئیسلامیی ئێران لە تاران و چەند شارێکی رۆژهەڵاتی کوردستان، سێ هاونیشتمانی کوردیان دەستبەسەر کردووە، کە یەکێکیان زیندانییەکی سیاسیی پێشووە و بە توندوتیژی براوەتە شوێنێکی نادیار.
ڕەزا پەهلەوی، شازادەی پێشووی ئێران، لە کاردانەوەیەکی تونددا بەرامبەر ڕاگەیاندنی "هاوپەیمانیی هێزە سیاسییەکانی کوردستانی ئێران"، ئەو لایەنانەی بە "کۆمەڵێک گرووپی جوداخواز" ناوبرد کە بانگەشەی "بێبنەما و پووچ" دەربارەی یەکپارچەیی خاکی ئێران دەکەن.
