هێزی دەریایی ئەمریکا بەتەمایە، بۆ ڕووبەڕووبوونەوە لەگەڵ هێرشە جۆراوجۆرەکان بە تایبەت بەلەمی چکۆلە و فڕۆکەی بێفرۆکەوان و موشەکە مەودا کورتەکان، کەڵک لە سیستەمی لەیزەری وەرگرێت. ناوی ئەو سیستەمە "هلیوس"ـە کە بە واتای ئیزەد و سیمبولی خۆرەتاو لە ئەفسانە یۆنانییەکاندا دێت.
هێزی دەریایی ئەمریکا دەیهەوێت تا ساڵی ٢٠٢١ ئەو سیستەمە لەسەر کەشتییە شەڕکەرەکانی جێگیر بکات. وابڕیارە کەشتی شەڕکەر و شاراوەی "ئارلی برێک" سەر بە هێزی دەریایی ئەمریکا ئەو سسیستەمە لەیزەرییەی لەسەر جێگیر بکرێت و هەروەتر سیستەمی ئۆپتیکاڵی لەسەر دامەزرێنرێت.
کەشتی شەڕکەر و شاراوەی "ئارلی بێر" بەهێزترین سیستەمی هێزی دەریایی ئەمریکایە. سیستەمی لەیزەری وابڕیارە جێگەی سیستەمی بەرگری ئێستای کەشتی "ئارلی برێک" بگرێتەوە. بە پێی ڕاپۆڕتەکان ئەو سیستەمە لەیزەرییە بۆ ڕووبەڕووبوونەوە لەگەڵ بەلەمی چکۆلە و فرۆکەی بێفرۆکەوان و موشەکی مەودا کورت بەکار دەهێندرێت.
وزەی ئەو سیستەمە لە وزەخانەی " ناوشکێن" دابین دەکرێت. جگە لە هێزی دەریایی ئەمریکا، بەشەکانی دیکەی ئەرتەشی ئەو وڵاتە دەیهەوێ کەڵک لەو سیستەمە لەیزەرییە وەرگرن و پەرەی پێ بدەن.
