عەلا مەشزووب شاعیر و نووسەری شێعەی عێراقی شەوی شەممە لە بەرامبەر دەرگای ماڵەکەی لە کەربەلا لە لایەن کەسانی پێوەندیدار بە قەیس خەزعەلی سەرۆکی حیزبوڵای عێراق و گرێدراوی سوپای قودسی کۆماری ئیسلامی کوژرا.
مەشزوب لە شەقامی مەیسەم تەمار بە لیدانی ١٣ فیشەک کوژراوە
سەرچاوەیەکی ئاگاداری عێراقی گووتی: چالاکی تیرۆر لە پێش چاوی خەڵک و لە شەقامی مەیسەم تەمار کە ناوچەیەکی تەواو ئەمنیەتی و پارێزراوە لە لایەن دوو ماتۆر سوارەوە ئەنجام دراوە.
عەلا مەشزوب دژی حیزبە مەزهەبیە شێعەکانی گرێدراو بە کۆماری ئیسلامی و ئەو دۆخەی شاری کەربەلای تێدایە و هەروەها لە دژی دەستکرد بوون و ناڕاست بوونی ویلایەتی فەقیه بابەتی دەنووسی و ڕەخنەی دەگرت. شایانی بە هیچ شێوەیەک هیچ کەس ناتوانێ لەو ناوچەیە ماتۆر لێبخوڕێ ئەویش بە هۆی ئەوەی ناوچەیەکی تەواو ئەمنیەتییە و بە بێ ڕەزامەندی بەرپرسانی سیاسی و ئەمنیەتی هیچ کەس ناتوانێ لەو ناوچەیە ماتۆر لیبخوڕێت.
