لەسەر بازرگانیکردن بە شوێنەوارە کۆنەکان ژن و مێردێکى ئێرانى لە باشوورى کوردستان دەستبەسەر کران

 بەڕێوەبەرایەتی ئاسایشی شارەزوور ئەمڕۆ سێشەممە ١٥ى حوزەیرانی ٢٠٢١ى زایینى بڵاوى کردەوە: هێزه‌كانمان له‌ بنكه‌ی ئاسایشی ته‌وێڵه‌  دوو تۆمه‌تباریان ده‌ستبەسەر کرد کە ٣ پارچە شوێنەوارى کۆنیان پێ بووە.
هەروەها ئاشکرایان کردووە کە "دوو تۆمه‌تباره‌كه‌ ژن و مێردن و فارسن و خەڵکى ئیرانن و ئێستا دۆسیه‌ی لێكۆلینه‌وه‌یان بۆ كراوه‌ته‌وه‌ و لێكۆڵینه‌وه‌ی زیاتریش ئەنجام دەدرێت".