ڕێکخراوەکانی مافی مرۆڤ ئامارێکی شۆکهێنەریان لەبارەی قوربانیانی خۆپێشاندانەکانی ئەم دواییەی ئێران بڵاوکردەوە؛ بەپێی ئامارە نوێیەکان ژمارەی کوژراوان 7 هەزار کەسی تێپەڕاندووە، ئەمەش لەکاتێکدایە حکومەت ئامارێکی زۆر کەمتر ڕادەگەیێنێت.
مەزڵووم عەبدی، فەرماندەی گشتیی هێزەکانی سووریای دیموکرات (هەسەدە)، لە پەراوێزی کۆنفرانسی ئاسایشی میونشن لە ئەڵمانیا، زنجیرەیەک دیداری دیپلۆماسیی باڵای لەگەڵ بەرپرسانی ئەمریکا و فەرەنسا ئەنجام دا.
هێزە ئەمنییەکانی ئێران لە هەڵمەتێکی توندوتیژدا بۆ سەر گوندەکانی دەوروبەری شاری بۆکان لە رۆژهەڵاتی کوردستان، سێ برایان دەستبەسەر کرد. بەمەش ژمارەی دەستبەسەرکراوانی ئەو بنەماڵەیە لە ماوەی دوو مانگدا گەیشتە چوار کەس.
چارەنووسی پزیشکێکی کوردی خەڵکی شنۆ پاش ١٢رۆژ لە دەستبەسەرکردنی لەلایەن هێزە ئەمنییەکانەوە بە نادیاری ماوەتەوە. ئەمەش لە چوارچێوەی شەپۆلێکی نوێی دەستگیرکردنی پزیشک و نوخبەی کۆمەڵگە دێت کە هاوکاتە لەگەڵ بەردەوامیی ناڕەزایەتییەکان لە ئێران و رۆژهەڵاتی کوردستان.
هێزە ئەمنییەکانی ئێران لە هەڵمەتێکی نوێدا بۆ سەر شار و گوندەکانی رۆژهەڵاتی کوردستان و ناوچە کوردنشینەکانی دیکە، لانیکەم شەش هاووڵاتیی کوردیان دەستبەسەر کردووە. ئەم هەنگاوە لە کاتێکدایە کە رێکخراوەکانی مافی مرۆڤ هۆشداری لەبارەی ئەشکەنجەدان و نادیاریی چارەنووسی گیراوان دەدەن.
رۆژنامەی وۆڵ ستریت ژورناڵی ئەمریکی، رۆژی پێنجشەممە لە زاری بەرپرسانی ئەو وڵاتەوە بڵاویکردەوە، ئیدارەی دۆناڵد ترەمپ نزیکەی شەش هەزار ئامێری ئینتەرنێتی مانگی دەستکردی "ستارلینک"ی رەوانەی ناو ئێران کردووە. ئەم هەنگاوە دوای سەرکوتکردنی خۆپێشاندانەکانی مانگی رابردووی ئەو وڵاتە دێت.
بنیامین نەتەنیاهۆ، سەرۆکوەزیرانی ئیسرائیل رایگەیاند، لە میانی کۆبوونەوەکەیدا لەگەڵ دۆناڵد ترەمپ، سەرۆکی ئەمریکا، بە راشکاوی پێی گوتووە بە گشتی بەرامبەر بە هەر جۆرە رێککەوتنێک لەگەڵ کۆماری ئیسلامیی ئێران "بەدبینە".
پەرلەمانی ئەورووپا پڕۆژەبڕیارێکی تایبەت بە دۆخی رۆژئاوای کوردستان و ناوچەکانی دیکەی باکووری رۆژهەڵاتی سووریای پەسند کرد.
ڕێکخراوی چاودێریی مافی مرۆڤ (HRW) داوا لە نەتەوە یەکگرتووەکان دەکات ڕێگری لە گوتارە پێشبینیکراوەکەی عەباس عەراقچی، وەزیری دەرەوەی ئێران بگرێت لە ئەنجوومەنی مافی مرۆڤ و ڕایگەیاند، ناوبراو "دەستی لە خوێنی هەزاران کەسی بێتاواندا هەیە."
پێنج ئەندامی خێزانێکی خەڵکی مەهاباد لە ئەنجامی پێکدادانی ئۆتۆمبێلەکەیان لەگەڵ بارهەڵگرێک لەسەر ڕێگەی سەردەشت-میراوە گیانیان لەدەستدا؛ یەکێک لە قوربانییەکان بووکێکی تەمەن 22 ساڵە کە دووگیان بووە.
