هەفتەنامەی (تایم)ـی ئەمریکی لە ڕاپۆرتێکی شۆکهێنەردا، پەردە لەسەر قەبارەی کوشتار و سەرکوتکردنی خۆپێشاندەرانی ئێران لادەبات و ڕایدەگەیەنێت، تەنیا لە ماوەی دوو ڕۆژدا نزیکەی 30 هەزار کەس گیانیان لەدەستداوە.
مەجیدڕەزا حەریری، سەرۆکی ژووری بازرگانیی ئێران و چین، ئاشکرای کرد؛ بەربەستێکی توند خراوەتە سەر بەکارهێنانی ئینتەرنێت بۆ بازرگانان و خاوەنکاران، بە جۆرێک کە تەنیا بۆ ماوەی 20 خولەک لە ڕۆژێکدا و لەژێر چاودێریی ورددا ڕێگەیان پێ دەدرێت.
مەولەوی عەبدولحەمید، پێشنوێژ و گوتارخوێنی سوننەکانی زاهیدان، سەرکوتکردنی توندی خۆپێشاندەرانی لەلایەن هێزە ئەمنییەکانەوە بە "کۆمەڵکوژییەکی ڕێکخراو" ناو برد و دەڵێت: درزێکی قووڵ لە نێوان خەڵک و دەسەڵاتدا دروست بووە.
ناوەندی ئاماری ئێران نوێترین راپۆرتی هەڵاوسانی بڵاو کردەوە و بەپێی راپۆرتەکە نرخی کاڵا و کەلوپەل بەشێوەیەکی چاوەڕواننەکراو هەڵکشاون ئەمەش دوای جێبەجێکردنی سیاسەتی لادانی "دۆلاری پاڵپشتیکراو" دێت.
مەزڵووم عەبدی، فەرماندەی گشتیی هێزەکانی سووریای دیموکرات (هەسەدە)، لە هەڤپەیڤینێکی نوێدا دواین پێشهاتە سیاسی و سەربازییەکانی ڕۆژئاوای کوردستان دەخاتە ڕوو و جەخت لەوە دەکاتەوە کە دەیانەوێت لە پرۆسەی دانوستاندنەکاندا لەگەڵ گەلەکەیان ڕاستگۆ و شەفاف بن.
ڕێکخراوی (CPT)ـی ئەمریکی، وردەکاریی تاوانێکی دڕندانە و کۆمەڵکوژیی خێزانێکی کورد ئاشکرا دەکات، کە تێیدا لە کۆی 12 ئەندامی خێزانەکە، شەش کەسیان بە شێوەیەکی نامرۆڤانە کوژراون و شەشەکەی دیکەشیان بە برینداری لە چۆڵەوانییەکاندا جێهێڵدراون.
ئاژانسی ڕۆیتەرز لە زاری دوو بەرپرسی ئەمریکییەوە بڵاویکردەوە، لە چەند ڕۆژی داهاتوودا کەشتی فڕۆکەهەڵگری ویلایەتە یەکگرتووەکانی ئەمریکا لەگەڵ کۆمەڵێک پێداویستی سەربازیی دیکە دەگەنە ناوچەی ڕۆژهەڵاتی ناوەڕاست.
ڤۆلۆدیمیر زێلێنسکی، سەرۆکی ئۆکراینا ڕەخنە لە "کەمتەرخەمیی" کۆمەڵگەی نێودەوڵەتی دەگرێت بەرامبەر سەرکوتکردنی خۆپێشاندەران لە ئێران و دەڵێت، لەکاتێکدا جیهان سەرقاڵی جەژنەکانی سەری ساڵ بوو، هەزاران کەس لەو وڵاتەدا کوژران.
ڕێکخراوی مافی مرۆڤی ئێران ئامارە فەرمییەکانی حکومەتی تاران بۆ ژمارەی کوژراوانی خۆپێشاندانەکان بە "بێبایەخ" وەسف دەکات و دەڵێت، ژمارەی ڕاستەقینەی قوربانییەکان زۆر لەوە زیاترە کە ڕاگەیێندراوە.
پەرلەمانی ئەورووپا بە زۆرینەیەکی ڕەهای دەنگەکان بڕیارنامەیەکی تووندی دژی کۆماری ئیسلامیی ئێران پەسەند کرد؛ تێیدا داوای کۆتاییهێنان بە سەرکوتکردنی خۆپێشاندەران و ناساندنی سوپای پاسداران وەک ڕێکخراوێکی تیرۆریستی دەکات.
