حەوت ئەندامی گەندەڵى ئەنجوومەنى شارى سەقز، پاش چەندین مانگ هەوڵدان، شارەدارێکى گەندەڵ و دزى وەک خۆیان بۆ شارەدارى شارى سەقز هەڵبژارد.
وریا نەعمانى کە براى زیائەدین نەعمانى شارەدارى پێشووى شارى سەقزە و لە کاتى شارەدارى براکەیدا گەڵاڵەداڕێژەرى هەموو پیلانەکانى دزى و گەندەڵى بوو لە شارەدارى ئەو شارە، ئێستا بە هەوڵى ئەڵقەیەک لە گەندەڵکارانى نێو ئەنجوومەنەکە، بەربژێر کراوە بۆ فەرماندارى شارى بانە.
ئەمانەى خوارەوە چەند خیانەت و دزى و گەندەڵى و فرتوفێڵى بنەماڵەى نەعمانین کە بەرامبەر بە خەڵکى سەقز ئەنجامیان داون:
ـ زیادکردنى قەرزەکانى شارەدارى لە ٢٠ ملیار تمەنەوە بۆ ١٢٠ ملیار تمەن.
بەکاربردن و دابەشکردنى زەوییە دارستانییەکان و فەزاى سەوز و پەروەردە بە هاوکارى زەویخۆرانى شارەکە.
ـ وەرگرتنى بەرتیل و ڕشوەیەکى گەورە لە کۆمسیۆنى ماددەى ١٠٠ى شارەدارى بۆ بەخشینى تاوانەکان.
هەرچەندە بە هۆى گەندەڵى و لێخۆشبوونى هەندێک لە ناوەندە چاودێرى و ئەمنیەتییەکان، ئەم تاوانانە سەرپۆشەیان لێ کراوە و وەبەرچاو نەگیراون، کەچى ئێستا ٧ ئەندامى گەندەڵى ئەنجوومەنى شارى شەقز، لە نوێترین گەندەڵى و خیانەت لە شارەکەیان، وریا نەعمانییان وەک شارەدارى سەقز هەڵبژاردووەتەوە.
ئەم حەوت ئەندامە گەندەڵەى ئەنجوومەنى شارى سەقز بریتین لە:
ـ محەمەد کەرەمى
ـ ئەمیر زارع زادە
ـ ڕەزا ئەسعەدى
ـ عەتا محەمەدى
ـ ئەفشین عەزیزی
ـ توران خانى
ـ کەژاڵ شکورى
