دوێنێ هەینی ٤ی گەلاوێژ، لە ناوچەی "هەوار ژۆنینی دڵەمەرز"ى سەر بە شاری سەوڵاوا پاسدارێک کوژرا و دوو پاسداری دیکەش بریندار بوون.
قەرارگاى حەمزەی سوپای پاسداران ڕایگەیاند "لە ئەنجامى تێکهەڵچوونى نێوان سوپاى بەیتولموقەدەسى کوردستان و دژە ئینقیلابییەکان، هادى ئۆجاقى ستوانى دووەم کە خەڵکى شارى قوروەیە کوژرا و دوو پاسدارى دیکەیش بریندار بوون"، بەڵام تا ئێستا هیچ یەک لە حیزبە کوردییەکان ئەم هێرشەیان بە ئەستۆ نەگرتووە.
هەرچەندە بە پێى ڕاگەیێنراوەکەى قەرارگاى حەمزە، چەند کەس لە زدی ئینقیلابییەکان بریندار و کوژراون و هەندێکیان هەڵاوێردراون و سوپا بەدوایانەوەیە و چەکوچۆڵێکى زۆریشیان کەوتووەتە دەست، ئاڤاتودەى لەم بارەوە پەیوەندى بە دیموکرات و کۆمەڵەکانەوە کرد، بەڵام هەموویان ئەمەیان ڕەت کردووەتەوە و بە درۆ هەمیشەییەکانى کۆمارى ئیسلامییان لەقەڵەم دا.
ئەمڕۆش سوپا بۆ بەدەستهێنانى عەتف و سۆزى خەڵک نمایشێکى لە نێو شارى قوروە ئەنجام دا و جاش و بنەماڵە جاش و سووپاییەکانیان بە زۆرى هێنایە سەر جادەکان تا نیشان بدەن کە هەموو شارەکە لەگەڵ ئەواندایە و بە درووشمدان هادییان خستنە بن خاکەوە.
شایانی باسە، سوپای تێرۆریستی پاسداران بە ئامانجی شەڕەنگێزی و نائەمنکردنی کوردستان و بە مەبەستی مانەوەی خۆی، لەم مانگەی دواییانەدا بەردەوام خەریکی گواستنەوەی چەکوچۆڵ و کەرەستەی سەربازییە بۆ ڕۆژهەڵاتی کوردستان و خەریکى چەکدارکردنى جاشەکانە.
