AvaToday caption
خەڵکى ئێران ئەم دوو ساڵە تووشى قاتوقڕی دەبنەوە
ملیۆنان کوللە لە عەربستانەوە هێرشیان کردووتە سەر ٦ پارێزگای باشووری ئێران . کە ۲۰۰ هەزار هێکتار لە زەویوزار و باخەکانی خەڵکی لەبەر گرتووە.
بەوتەی بەرپرسی گشتی پاراستنی گیاکان لە ئێراندا: ئەم کوللەیانە ماوەی ۱۰ ڕۆژ پاش گرادانان، بێچووەکانیان دێنە دەرەوەو ژمرەیان چەند ئەوەندە دەبێتەوە . بۆیە ئەگەر هەوڵێکی بۆ نەدرێت کارەساتی خراپ لە بەشی کشتوکاڵدا ڕوودەدا.
ڕووبەڕووبوونەوە لەگەڵ هێرشی کوللەکان لە توانای خەڵکی ئێراندا نییە و دەبێ کۆماری ئیسلامی خۆی بەرپرسی ئەم ڕووبەڕووبوونەوە لە ئەستۆ بگرێت دەنا ئەگەری کەوتنی قاتوقڕی لەم ناوچانە زۆرە. بەڵام تا ئێستا کۆماری ئیسلامی هیچ جۆرە هەوڵێکی بۆ ئەم قەیرانە نەداوە و خۆی لەئاست خەڵکەکەی بەبەرپرس نازانێت.
