لە شەو چوارشەمەی ١/١١/٢٠١٨ مەزارگەی پیرووز باوە مەهمۊ کە سەر وە ئایین یارسانەیل خانەقینە کریا وە ئامانج تیەریکەپەرەسەیل و هەڵتەقیاوە.
لە ڕووژێگ وەرجە ئێ ڕۊداوە لە مەراسم ئەربەعین لە شار خانەقین وە مدوو تەقینەوەی تروریستی، دو هاوڵاتییش شەهید بۊن و هەفت کەسیش زامداڕ بۊن. وێڕای سەرسڵامەتی و سەرەخوەشی و هاوخەم بۊنمان ئڕای بنەماڵە و کەس و کار شەهیدەگان و هیوای لەش ساقی زامدارەگان ، وە توندی ئێ کردمان دڕندانە و دەیدامانەی تروریستیە سەرکووم کەیمن کە لە دۊای 16 ئوکتوبر ئڕا پاسا کردن ئایینی و نژادی ، شار خانەقین کردێیەسە ئامانج.
لە گشت مەردم خانەقین و سەرجەم ئایینەیل و نەتەوەیل جورایجوریە و ، داوا کەیمن کە هەر ئەو چۊن کە لە دریژای دیروک نمونەی ڕەنگینێگ لە وەیەکەو ژیان پێشکەش کردینە و قڵای پاوەگەزدان بۊنە لە وەرایوەر " تعریب و تەرحیل و تەبعید "، ئێرنگەیش نواگر بوون لە وەرایوەر ئەو ڕێوڕەنگ و فت و فێڵە کە لە دەور و وەر خانەقین وە ڕێیەو چوودن ئڕا لە ناو بردن وەیەکەو ژیانێگ ئاشتی خوازانە و دابڕانن خانەقین لە بەشەیلتر کوردستان.
ئێجاریش هاوکات لە کەرکووک ئڕا داگیر کردن زەۊ یارسانەگان لە شار داقووق ، تەعریب دەس وە پێ کریاس کە هەر دریژەی ئەو سیاسەت شڤونیستانەس کە بەغدا لە خانەقین ئەوڕێ بێدن. بێگومان یارسانەگان و پەیڕەوەیل ئایین یاری هەر لە زۊا لە سەردەم هاتن ئسڵام هان لە ژێر زەخت و فشار و هەڕەشە. وە لەی ناوە باوەمەهمۊ خانەقین و باوەگوڕگوڕ کەرکووک، دیروک بەرخوەدان کوردن لە ئەو هڵاماتە کە کریاسە سەر شارستانیەت کورد.
مەزارگەی پیرووز باوە مەهمۊ کە سەر وە ئایین یارسانەیل خانەقینە کریا وە ئامانج ـ یەکەم
ئمڕووییش وە داخەوە دۊنیمن کە مەزارگەی باوەمەهمۊ کە ڕەمزێگە ئڕا کوو کردن و وەیەکەو ژیان ئایینەیل و نەتەوەیل جواریجور شار خانەقین ، کرێدە ئامانج. وە لە ڕاس جورێگ برنگ وەشانن لە یەکیەتی مەردم خانەقینە. وەی مدووە لە گشت لاینەیل پەیوەندی دار هەرێم کوردستان و هێزەیل هاوپەیمانی و سازمان ماف مروڤ داوا کەیمن کە هەرچێ زۊتر هێزەیل پێشمەرگە هەڵگەردننەو وە سنوور خانەقین و هێز ئاسایش لەورە چالاکەو بکریێد و چەترێگ بوون کە وە بێ جیاوازی گشت نەتەوەیل ئەو دەڤەرە بپارێزن.
ئێجاریش لە مەردم خانەقین خوازیاریمن کە ئڕا نووژەن کردن مەزارگە ، زۊتر خوەیان هێز بگرن و دەس وە کار بوون و نەیلن کە کەسانێگتر وە ڕشانن ئرمێس تمساح لە ژێر ناو نووژەن کردن ئەو مەزارگە ، وە مەیل خوەیان معماریێ بگووڕنن و بڕەسنە ئامانجەیل چەپەڵیان. ئیمەیش ڕووشن و ئاشکرا وە گشت نەیاران گەل کورد ئۊشیمن کە وە ئێ کردمان دڕندانە و دەیدامانە یەکیەتی و یەکگرتن مەردم خانەقین لە ناو نیەچوودن. ئێجاریش وە یەکڕزی ئایینەیل شیعە و یارسان و سوننە ، گشت فت و فێڵ و ڕێوڕەنگدان ، لە گووڕ دانرێدن.
مەزارگەی پیرووز باوە مەهمۊ کە سەر وە ئایین یارسانەیل خانەقینە کریا وە ئامانج ـ دووەم
هەر ئەو جوور کە وە شەهید کردن ملازم جوامیرەگان و لەیلاگان و حسێن مەنسوورەگان و موحەمەد نووریەگان نەتۊەنسین ئرادەی خانەقین بشکنینەو ، ئمڕوویش هەر جوان کرماشانی و ئیلامی و خانەقینی وە قەڵەمەگەی ئەحلام و عەزیز پشتیوان لە لیدان یاخیەو بوون. لە پەرتخا وە ئاگائی ڕەسنیمن کە لە هەر بار ۆ دۆخێگ هاوپەیمان و پشتەوان خوەیشکەیل و برایلمان لە خانەقین هەیمن و خەم و ئازار ئەوان خەم و ئازار گشتمانە. وە بەرپرسیارەتی گشت ئەو تاوانەیلە ها لە مل حەشدشەعبی . کوومەڵگای ناو دەوڵەتییش دی فرەتر لە یە نەبایەد بێ دەنگ بمینێد.
گشت شێوەیل تروریسم سەرکووم کرێدن ، وە بایەد گشت وڵاتەیل جەهان یەکگرتی بوون و لە بەرامبەر ئێجور کردمانەیل تروریستیێگ بووسنەو تا لێوا ئاشتی جەهانی نەکەفێدە مەترسی.
بڕێگ لە نۊسەرەیل و هونەرمەندەیل و چالاکوانەیل مەدەنی کرماشان و ئیلام:
1. ئەردەشێر کشاوەرز-نووسەر- کرماشان
2. ئاکۆ جەلیلیان – نووسەر - کرماشان
3. ژیار جەهانفەرد- نووسەر- کرماشان
4. حسێن سەفامەنش- هۆنەرمەند – کرماشان
5. سەعید عبادەتیان – شاعر – کرماشان
6. کامران محمد رەحیمی – نووسەر – ئیلام
7. سعدالله جەهانگیری _ مامۆستای زانکۆ_ ئیلام
8. کاوە کرماشانی- چالاکی مافی مرۆڤ – کرماشان
9. ئەفشین غولامی – رۆژنامەنووس- کرماشان
10. مەسعوود عەزیزی- هۆنەرمەند- کرماشان
11. مێهرداد موشەشەعی – هۆنەرمەند - کرماشان
12. کەیوومەرس کولەجوویی(لەکە میر) – شاعر - کرماشان
13. ژاکان باران- شاعر - ئیلام
14. کەیوومەرس فەتحی – چالاکی سیاسی – کرماشان
15. جەمشید وەیسی – شاعری مندالان – کرماشان
16. حەمزە جە‌عفەری – هۆنەرمەند- کرماشان
17. فەرهاد عزەتی‌زادە – نووسەر- کرماشان
18. فەرشاد دووستی‌پوڕ – چالاکی سیاسی – ئیلام
19. هاشم عەلی‌وەیسی – نووسەر و لێکولەر - کرماشان
20. کیارەش شەهسەواری – چالاکی سیاسی – کرماشان
21. محەمەد رەزا ئسکەندەری – رۆژنامەنووس – ئیلام
22. فەرزانە ئەردەشێری – چالاکی مافی ژنان – کرماشان
23. حەسەن بەڵەدە – چالاکی مەدەنی – کرماشان
24. سارۆ خەسرەوی – نووسەر و میدیاکار – کرماشان
25. هەژیر هاشمی – رۆژنامەنووس – کرماشان
26. ئێحسان نیکپەی - رۆژنامەنووس- ئیلام
27. ئەمین رەحیمی‌نژاد- زمانناس- ئیلام
28. سیروان کەمانگەر- چالاکی سیاسی – کرماشان
29. نەسرین باوەندپوور – شاعر – ئیلام
30. عەباس محەمەدزادە - نووسەر – ئیلام
31. حەبیب اللە تورەنگ - پارێزەر- ئیلام
32. رەحمەت چراغی-چالاکی فەرهەنگی- ئیلام
33. محەمەد بازئەفکەن - چالاکی فەرهەنگی- ئیلام
34. جواد مورادی _چالاکی مەدەنی_ئیلام
35. فەرشاد رەمەزانی - چالاکی فەرهنگی - کرماشان
36. همایوون عەباسی- روژنامەوان- کرماشان
37. زەینەب شەفیعی - شاعر- ئیلام
38. حەمزە کەرەمی - شاعر – کرماشان
39.. هانا شەفیعی - شاعر- کرماشان
40. حەدیس عەباسی - چالاکی فەرهەنگی – کرماشان
41. روح‌الله لەتیف نژاد - چالاکی فەرهەنگی – ئیلام
42. عەلی نەزەری – شاعر – کرماشان
43. رزگار بەهادر – زمانناس – کرماشان
44. وریا سەناعی – چالاکی مەدەنی - ئیلام
45. رێبوار رەحیمی – زمانناس - کرماشان
46.وەحید کەمالی - چالاکی سیاسی - ئیلام
47. ئەفشین کەرەمیان‌نەسەب - چالاکی سیاسی- کرماشان
48. عەتا مەسووری - رەخنەگر له بواری فەلسەفە و ئەدەبیات- ئیلام
49. سومەیە فەلاحی- شاعر- ئیلام
50. ساڵەح چراخی - هونەرمەند - دلێران، ئیلام
51. ئارەش ئەفزەڵی - شاعر - کرماشان
52. ئەردەشێر مووسەوی - شاعر و چالاکی فەرهەنگی- کرماشان
53.جەبار میرانی - وەرگێر و نووسەر - کرماشان
