لەکاتێکدا پەهپادی ئەمریکی لە نێو ئاوەنێودەوڵەتییەکان و لەلایەن سوپای پاسدارانەوە تێکشکێنراوە بەڵام ئەمڕۆ وەزیری دەرەوەی کۆماری ئیسلامی بۆ هەڵخڕاندنی هەستی نەتەوایەتی خەڵکی ئێران گوتی: تێکشکاندنی پەهپادی سیخۆڕی ئەمریکا لە بواری تەکنۆلۆژیا و هەڵمەت و بەرگری لە یەکپارچەیی وڵات، جێ شانازییە. بەردەوام گوتوومانە کە یەکپارچەیی ئێران بابەتێک نییە کە دانوسانی لەسەر بکرێت و خەسار بە ئێران لەلایەن هەر کەس و وڵاتێک بە توندترین شێوە وڵام دەدرێتەوە چ لە لایەن خەڵکی ئێران و چ هێزەچەکدارەکانمان.
زەریف هەروەها بە هەڕەشە و گۆڕەشەی بێ ئاکام و بێ واتای خۆی لەمەڕ ڕێککەوتنە ناوکییەکە گوتیشی: بەدوا خستنی ئینستێکس پیشان لەوە دەدا کە ئەورووپاییەکان نە دەیانهەوێ و نەش توانایی ئەوەیان هەیە کە بۆ جێبەجێکردنی بەڵێنییەکانیان هەوڵێک بدەن. ئەگەر ئەورووپا پابەند بە بەڵێنییەکانی نەبێت دەبێ ئەنجامەکەشی ببینێت.
شایەنى باسە هەر ئەمڕۆ دۆناڵد ترامپ سەرکۆمارى ئەمریکا چەندین گەمارۆى نوێى سەر کۆمارى ئیسلامى ڕاگەیاند کە یەکێک لە گەمارۆکان بۆ سەر جەواد زەریفە و بەم گەمارۆ نوێیانەیش چەندین ملیار دۆلارى کۆمارى ئیسلامى دەبەسترێت و دەستى بەسەردا دەگیردرێت و بلۆک دەکرێت!
