هەواڵدەری ئاسۆشێتد پرێس ڕاپۆڕتێکی مەیدانی لە تارانی پێتەختی ئێران بڵاو کردۆتەوە و بۆچونی خەڵکی لەمەر هەلومەرجی ئەو وڵاتە پرسیوە. زۆربەی بەشدار بووان گووتویانە ترسیان هەیە لە خراپتربوونی ڕەوشی ئێران و هیوایان وایە ئێران و ئەمریکا دانوستان بکەن. لە کاتی گەڕانەوەی گەمارۆکانی ئەمریکا بۆ سەر ئێران، ئابوری ئەو وڵاتە تووشی قەیران بووە. حەشیمەتی ٨٠ ملیۆنی ئێران دەستو پەنجە لەگەڵ بەرزبوونەوەی ئاستی هەڵاوسان نەرم دەکەن و دابین کردنی پێویستی ڕۆژانە بۆیان لە ڕۆن و نان هەتا گۆشت ڕۆژ لەگەڵ ڕۆژ چەتونتر دەبێتەوە.
ئێستا ناردنی کەشتی فرۆکە هەڵگری لینکۆڵنی ئەمریکا بۆ کەنداوی فارس و هەرەشەی سەربازی ئێران بەو حاڵەتەوە زیاد بووەهەواڵنێری ئاسۆشێتدپرێس کە قسەی لەگەڵ کۆمەڵێک کەس لە تاران کردووە لە ڕاپۆڕتەکەیدا بڵاوی کردۆتەوە زۆربەی ئەو کەسانەی قسەیانن لەگەڵ کردوون لە پیر و لاو هەتا پیاو و ژنی چارشێوە لەسەر یان لەچکە لەسەر باوەڕیان وابووە کە هیچ شەڕێک لە نێوان ئێران و ئەمریکا ڕوونادات بەلام ئەگەر شەڕ ڕووبدات ئەوان پارێزگاری لە وڵاتەکەیان دەکەن.
زۆربەی بەشدار بووانی ڕاپۆڕتەکە سەرەڕای بێ باوەڕی بە ترامپ باوەڕیان وابووە کە دەبێ ئێران و ئەمریکا دانوستان بکەن.خوێندکارێکی ٢٠ سالە بە ناوی ئەفرا گووتویەتی: سەرکۆماری ئەمریکا پێشبینی ناکرێ و هیچ کەس نازانێ کاردانەوەی گوونجاو لەبەرامبەر ناوبراودا چییە بەڵام بەو پێیەی ئابوری دوونیا لە لایەن ئەمریکاوە کۆنتڕۆل دەکرێت ئێمە بژاردەی زۆرمان نییە.زۆهرە کە ژنێکی ماڵدار و چارشێو بەسەرە و لە نوێژی هەینی گەڕاوەتەوە دەڵێ ئەگەر ئەمریکا توانیبای کارێک بکات تا ئێستا کردبووی و ناتوانێ هیچ غەڵەتێک بکات.
مەعسومە کە ژنێکی ٣٥ ساڵەیە و خۆی وەک فەرمانبەر ناساندووە بە هەواڵدەرییەکی گووتوە: کاتێک کەسێک دەیهەوێ ئێوە بترسێنێت مانای ئەوەیە ئامادەی شەڕکردن نییە. کەسێک کە بەڕاستی شەڕی دەوێ بێ پێشەکی دەست پێدەکات و ئاماژە بە هێرشی عێراق بۆ سەر ئێران دەکات.بە بڕوای ناوبراو ئەمریکا بە ناردنی کەشتی فرۆکەهەڵگر دەیهەوێ ئێران بترسێنێت.موحەمەد عەلی موقەدەم دانیشتووی جەوادیەی باشوری تاران کە کەم ئەندامێکی شەڕی ئێران و عێراقە بە ئاسۆشێتد پرێسی گووتوە: ئەگەر شەڕ ڕووبدات جارێکی دیکە ئامادەیە بچێتەوە بەرەی شەڕ و ئاشکرای کردووە سێ کوڕ و نەوەکانی هان دەدات بەرگری لە ئێران بکەن.
ژنێکی تەمەن ٣٧ ساڵ بە ناوی ئارەزوو کە خاوەنی دوو منداڵە بەو جۆرە بۆچونی خۆی دەربڕیوە و گووتویەتی: پێم وایە دەبێ دەوڵەت دەبێ کارێک بکات بۆ ئەوەی شەڕ ڕوونەدات و گووتویەتی ئەگەر شەڕ باش بایە دۆخی ئەفغانستان و عێراق ئاوا نەدەبوو.شۆفێر تاکسییەک بە ناوی جەعفەر گووتوویەتی ئەگەر شەڕ ڕووبدات هەر دوو لایەن دۆڕاون. خەڵکی ئێران و ئەمریکا ژیرن و خوازیاری ئاشتین نەک شەڕکردن.خەڵکی ئێران زیاتر نیگەرانی گرانی بوون تاکو شەڕئاسۆشێتد پرێس ڕایگەیاندووە زۆربەی ئەوانە لەگەڵ ئەو هەواڵدەرییە قسەیان کردووە زیاتر نیگەرانی بازاڕ و گرانی بوون تا شەڕ.
ژنێکی ماڵدار بە ناوی سادقی گووتویەتی: هەلومەرجی ئابوری زۆر خراپە. خەڵکێکی زۆر بێکارن و زۆرکەس لەو هەلومەرجەدا کاریان لە دەست داوە. بە گووتەی سادقی زۆربەی لاوان ناتوانن کاری گونجاو ببیننەوە و ژیانی هاوبەش پێکبێنن و سەربەخۆ بن.زۆربەی ئەو لاوانەی کە جەژنی واژۆکردنی بەرجامیان لە ساڵی ٢٠١٥ گرت ئێستا و دوای هاتنە دەری ئەمریکا لە بەرجام لە بیری بەجێهێشتنی ئیراندان. لاوێک بە ئاسۆشێتد پرێسی گووتوە نیگەرانی پاشەڕۆژی ناڕوونی خۆیەتی و ناتوانی بەرنامەڕێژی بۆ بکات، ئێستا باشترین کار ئەوەیە بە جۆرێک لە ئێران بچییە دەر لە جێگەیەکی دیکە ژیان بکەی.
