سەرپیەل زەهاو نمونێگ ئاشکراس ئڕا خاستر ناسانن جمهوری ئسلامی وە گشت دنیا و ئەو کەسەیله که جارێ ئمێد وە ئسڵاحات دێرن.
وەپێ ئەو خەوەرەیله که رەسیەسە پیمان، رژیم پسا فشار تیەرێدە مەردم زەیوڵەرزە لێدریای سەرپیەل تا سەرەتای شارەگه چووڵ بکەن ئڕا ئەوە که لە وەخت سەفەر حەسەن رووحانی لە رسانەیل بۊشن مەردم دی لە ژێر چادر و کانکس نیەژیەن و دی سەقام گرتنه.
وەی مدوویشه فەمانداری سەرپیەڵ و ئوستانداری کرماشان، ئاو و بەرق کانکسەگان لە سەرەتای شار بڕینه تا مەرم، ئەورە چووڵ بکەن و بچنه شوونتر که دۊر لەچەو رسانەیل بوود. ئەیەیش لە حالێگه که وەسەر ئەوەو ۱٦ مانگ لە زەیولەرزەگەی سەرپیەڵ گوزەریێد، وەلێ فرەی مەردم هێمان لەناو کانکس و چادر ژیەن. وەپی دپیەکەوکردن مامۆستایل زانکۆ کوردستان، گیچەڵەیل رەوانی و فەرهەنگی فرێگ لە سەرپیەل زەهاو درس بۊه.
وەز بێداشتی و سڵامەتی نیشتەجیەیل سەرپیەل فرە خراوە و وەخاتر زەیولەرزەی هەیتاهەیت دەسکرد رژیم، گیچەڵەیل رەوانی مەردم فرەترەو بۊه. ئیسەیش توان وە کایه کردن و دروودان راسیەگان بشارنەو.
