AvaToday caption
سەرباز بەرزنجی، خەڵکی حاجیاوای ڕانیە لە باشووری کوردستان، بووە پارێزگاری ناوچەی لامبێسی لەندەن.
لە ڕێوڕەسمێکی فەرمیدا کە نوێنەری پاشای بریتانیا و ژمارەیەک پارلمانتار و کەسایەتی ئامادە بوون، سەرباز بە جلوبەرگی کوردییەوە دەرکەوت.
هەروەها سوێندی یاسایی بە هەردوو زمانی کوردی و ئینگلیزی خوارد.
دوای وەرگرتنی پۆستەکەی گوتى: "دڵخۆشم و بەو ئومێدم بتوانم ئەو بەرپرسایەتییەی پێم دراوە بە دڵسۆزییەوە جێبەجێی بکەم.
سەرباز بەرزنجی، دکتورای لە بیناسازیدا هەیە و مامۆستای زانکۆی لەندەنە.
لەندەن لە ٣٢ ناوچە پێک دێت و یەکێک لە ناوچەکان لامبێسە کە سەرباز بەرزنجی بە دەنگی ٦٣ ئەندامی شارەوانیی لامبێس بە پارێزگاری ناوچەکە هەڵبژێردرا.
