کامیل دڵپەسەندی کۆمەڵناسی ئێرانی ١٨ی سەرماوەز لە دیمانەیەکدا لەگەڵ ڕۆژنامەی قانون باسى ئەوەى کردووە کە ئەوەی ئەوڕۆ لە گرتووخانەکانی ئێراندا ڕودەدادت بەرهەمهێنانی تاوانبارانی پێشکەوتوترە.
دڵپەسەندی لە بەشێکی دیکەی قسەکانیدا گووتی: دەستبەسەرکراوان لەنیو گرتووخانەکانی ئێران پتر بەلاڕێدا دەچن و لە بنەڕەتدا لە کاری نایاساییدا پسپۆڕیان لێ دەردێت. ئەو کۆمەڵناسە لە درێژەی قسەکانیدا دەڵێ: ئەوانەی لە گرتووخانەکاندا دەستبەسەرن بە هۆی نەبوونی دەزگای تایبەت بە ڕاهینانەوە و بە کۆمەڵایەتیکردنەوەیان دوای ئازاد بوون خراپتر دەبن و دەکەونە بیری تۆڵە کردنەوە و ئارەزوی ئەنجام دانی تاوان تێیان دا زیاتر دەبێت.
دڵپەسەندی لە درێژەی قسەکانیدا بە ئاماژە دان بە شەپۆلی ئەنجامدانی تووندوتیژی لە لایەن بەرپرسانی گرتوخانەکان و نەبوونی هیچ پڕۆژەیەک بۆ بارهێنانەوەی تاوانباران دەبێتە هۆکاری ئەوەی دوای هاتنە دەرەوەیان لە زیندان ڕقی خۆیان بە کۆمەڵگە بڕێژن.
لە کاتێکدا گرتووخانەکانی ئێران هیچ دەرفەتێکی گۆڕانکاری درووستکردن لە تاوانبارانیان نییە لە هەمانکاتدا لە ٧ مانگی ڕابڕدوودا ڕێژەی تووندوتیژی و ئەنجامدانی تاوانی کۆمەڵایەتی لە ئێران ٦/١ لەسەد زیادی کردووە.
بێکاری، هەژاری، هاتنە خواری هێزی کڕین ، نەبوونی هیوا بە داهاتوو گەورەترین هۆکارەکانی پەرە ئەستاندنی تووندوتیژییەکانن لە ئێراندا.
