لە ڕووداوێکی دڵتەزێندا لە یەکێک لە گوندەکانی شاری بۆکان، قوتابییەکی تەمەن حەوت ساڵان لە کاتی زەنگی پشوودا و بەهۆی گیرانی پارچە بیسکیتێک لە قوڕگیدا، گیانی لەدەست دا.

گوتەبێژی پیشەسازیی شیرەمەنییەکانی ئێران ڕایگەیاند، لە سەرەتای ئەمساڵەوە ئاستی بەکارهێنانی شیرەمەنی لە وڵاتەکەدا بە ڕێژەی ١٠٪ دابەزیوە، ئەوەش بەهۆی "دابەزینی بەرچاوی توانای کڕینی خێزانەکان".

مانگی سووری ئێران ڕۆژی هەینی ڕایگەیاند ژمارەی ئەو کەسانەی بەهۆی سێڵاوەکانی ئەم دواییەی باشووری وڵات گیانیان لەدەستداوە، گەیشتووەتە حەوت کەس.

 لەگەڵ نزیکبوونەوەی شەوی یەڵدا، بەرزبوونەوەی بێوێنەی نرخی چەرەزات و وشکەمیوە لە بازاڕەکانی ئێراندا نیگەرانیی لای هاووڵاتییان دروست کردووە و میدیاکانی ئەو وڵاتەش باس لە سستبوونی بازاڕ و کەمبوونەوەی توانای کڕینی خەڵک دەکەن.

هێزە سەرکوتکەرەکانی ئێران لە شاری میاندواوی سەر بە پارێزگای ورمێ، سێ هاونیشتمانیی کوردیان دەستبەسەر کرد و تائێستا شوێنی راگرتنیان نادیارە.

وەزارەتی دارایی ئەمریکا سزای بەسەر ٢٩ کەشتیی دیکە و چەند کۆمپانیایەکی بەڕێوەبردنیاندا سەپاند، کە بەشێکن لە "کەشتیە سێبەرەکان"ی ئێران و بۆ گواستنەوەی نەوت و بەرهەمە پترۆکیمیاوییەکان بەکاردەهێنرێن.

مەسعود پزیشکیان، سەرۆککۆماری ئێران رایگەیاند، دۆخی وزەی وڵاتەکەی لە ئاستێکی باشدا نییە و هۆشداری دا کە ئەگەر حکومەتەکەی "ناچار بێت"، لە وەرزی زستاندا پەنا بۆ بڕینی کارەبا دەبەن.

سەرچاوەکان لە زانکۆی ویلایەتی ئارکانزاس ئاشکرایان کرد، دوای لابردنی شیرین سەعیدی لە پۆستی بەڕێوەبەری سەنتەری توێژینەوەکانی ڕۆژهەڵاتی ناوەڕاست، بەرپرسانی زانکۆکە ئێستا دەستیان بە ڕێکارە سەرەتاییەکان کردووە بۆ دەرکردنی یەکجارەکیی ناوبراو لە زانکۆکە.

هێزەکانی ئیتڵاعاتی ئێران لە شاری ئاودانان و گوندەکانی دەوروبەری، چوار هاووڵاتیی کوردیان دەستبەسەر کردووە کە دووانیان تەمەنیان خوار 18 ساڵە.

سەرۆکی دەزگای هەواڵگریی ئیسرائیل (مۆساد) رایگەیاند، ئەرکی وڵاتەکەیەتی بە هاوکاری لەگەڵ ئەمریکا "دڵنیا ببنەوە" لەوەی ئێران جارێکی دیکە بەرنامە ئەتۆمییەکەی کارا ناکاتەوە، ئەمەش دوای ئەوەی تاران دانی بەوەدا نا دامەزراوەکانی زیانی جیدییان بەرکەوتووە.