خاوەنی پلەی یەکەمی بێکاری و پلەی یەکەمی پێگەی موشەکی
ناوەندی ئاماری کۆماری ئیسلامی لە نوێترین ڕاپۆڕتی خۆیدا باسی لەوە کردووە کرماشان بە ١٦.٤ لەسەد حەشیمەتی بێکار خاوەنی زۆرترین ڕێژەی بێکاریە لە ئێراندا.
بە پێی ئەو زانیاریانەی بە تۆڕى میدیایی ئاڤاتودەی گەیشتوون، ناوەندی ئاماری ئێران هەموو ڕاپۆڕتەکانی خۆی دەبێ لە فیلتەری وەزارەتی ئیتلاعاتەوە تێپەڕ بکات و ئەو ڕاپۆڕتە لەسەر کرماشان یەکجار دوورە لە حەقیقەتی تاڵی ژیانی کرماشانییەکان.
بێکاری لە کرماشان لە ڕادەبەدەرە و بە زێدەکردنی پەتای گیرۆدەبوون بە مادە هۆشبەرەکان وێنای نالەباری دۆخی کرماشان هێندەی دیکەیش خۆی دەردەخات.
بودجەی کرماشان بۆ درووستکردنی ناوەندی موشەکی و بنکەی سەربازى ژێرزەوی بە کار دەهێندرێت و لەو بوارەوە پلەی یەکەمی ئێران بە کرماشانە.
