AvaToday caption
ویلیام بێرنزی، بەڕێوەبەری سی ئای ئەی لە چاوپێکەوتنێکدا جەختی لەسەر ئه‌وه‌كرده‌وه پێویسته ئەمریکا خواستی شی جینپینگ، سەرۆکی چین بۆ دەستبەسەرداگرتنی تایوان "زۆر بە جددی" وەربگرێت، تەنانەت ئەگەر ململانێی سەربازیش دەرئەنجامی حەتمی نەبێت.
بەڕێوەبەری سی ئای ئەی لە چاوپێکەوتنێکدا لە کەناڵی سی بی ئێس وتی، "ئێمە دەزانین کە سەرۆک شی ڕێنمایی سوپای ڕزگاریخوازی وڵاتەکەی کردوە کە خۆیان ئامادە بکەن بۆ داگیرکردنی تایوان تا ساڵی ٢٠٢٧، بەڵام ئەوە بەو مانایە نییە کە بڕیاریدا لە ساڵی ٢٠٢٧یان هەر ساڵێکی دیکە دەست بە لەشکرکێشییەکە بکات".
