بەڕێوەبەری قوتابخانەی شەهید مەهدی لە ئاوایی شری مری شاری باوی، سەبارەت بە وازهێنان لە خوێندنی قوتابیان گووتویەتی ٢٠٠ قوتابی لەو ئاواییە لەگەڵ کێشەی هاتووچۆ ڕووبەڕوون و ئەو ساڵ ڕێژەی ئەو کەسانەی وازیان لە خوێندن هێناوە ٢٠% زیادی کردووە.
ئەمین ئیلاهی لە درێژەدا گووتویەتی لە ٣٧ ئاوایی شاری باوی ١٠%ى دانیشتوانەکەیان مامۆستایان پێکدی دێنن کە بە پاپۆر هاتوچۆ دەکەن و ئێستا بەهۆی نەکرانەوەی چەند پۆلێک چەند کەسێک لەوانیش کۆچیان کردووە. هەر لەو پەیوەندییەدا زیاتر لە ٣٠ ئاوایی ئەو ناوچەیە کە دانیشتووانێکى ١٢٠٠٠ کەسی لەخۆ دەگرێت، ناتوانن هاتوچۆ بکەن و بە هۆی نەبوونی پرد ڕێگەی مەترسیداری پەڕینەوە بە بەلەم هەڵدەبژێرن.
ئەمین ئیلاهی لە درێژەی قسەکانیدا باسی لەوە کردووە سەرەڕای سەردانی چەندین جارەیان بۆ لای بەرپرسانی پارێزگە و شارستان بۆ درووستکردنی پرد بۆ ئاوایینشینانی بەشی ڕۆژهەڵاتی باوی تا ئیستا بەرپرسانی ئەو ناوچەیە هیچ کارێکیان بۆ نەکردوون.
