حوسەین عەلیزادە یەکێکە لە ڕووکارە دیارەکانى مۆسیقاى کلاسیک لە ئێران. لە کۆنگرەیەکى ڕۆژنامەنووسی فێستیڤاڵى نیشتمانى مۆسیقاى لاو، ڕەخنەى لە ڕوانگەى دەنگ و ڕەنگى کۆمارى ئیسلامى سەبارەت بە مۆسیقا گرت.
عەلیزادە لە کۆنگرە ڕۆژنامەنووسییەکە گوتى "چەندین ساڵ گوتمان و لەو بڕوایەداین کە تەنانەت کەسێک لەم دەنگ و ڕەنگە نادۆزیتەوە کە فکرى هەرهەنگى هەبێت. دەنگ و ڕەنگ کە مۆسیقى بە بەشێک لە فەرهەنگ هەژمار ناکات، کەواتە هزر و تێگەیشتن و فکرکردنەوەیان دژە فەرهەنگییانەیە".
ئەم ژەنیار و ئاوازدانەرە گەورەیەى ئێران دەڵێت "واى بە حاڵى ئەو گەلەى کە دەنگ و ڕەنگەکەى گرنگى بە مۆسیقا نەدا و لە بەهاى مۆسیقا تێ نەگات. مۆسیقا هى هەموو مێژووى ئەم فەرهەنگەیە. هیوادارم بە هەوڵەکانى فێستیڤاڵى لاوان ئەنجامێکمان دەست کەوێت و ئەگەر دەستمان نەکەوێت، ئێمە هەمیشە ڕەخنە دەگرین لەو دۆخەى کە دەنگ و ڕەنگ بۆ مۆسیقاى دروست کردووە.
عەلیزادە ئاماژەکردن بە یەکێک لە بەرنامە تەلەڤزیۆنییەکان کە خەریکى دۆزینەوەى بەهرەدارەکانە، گوتى "بەداخەەو ئێمە بەیانى تا نیوەشەو دژى ڕۆژئاوا دروشم دەدەین، کەچى فۆڕم و شێوە و ڕووکارى بەرنامەکانیشمان لەوان دەچن. لە بەرنامە تەلەڤزیۆنییەکانى ئێمە، پڕوپاگندەى بازرگانى لە لووتکەى گرنگیپێدانەکانى ئێمەدایە".
ئەم مۆسیقار و ئاوازدانەرە گوتیشى "ئێمە دەمانەوێت مۆسیقاى وڵات لەم زەلکاوە کە تێى کەوتووە، دەریبێنین. حەرام و حەراڵکردنى مۆسیقا لەبارەى فێستیڤاڵەوە هەڵەیە".
حوسەین عەلیزادە یەکێکە لە مۆسیقار و ئاوازدانەر و توێژەرەکانى بوارى مۆسیقا کە سێ خەڵاتى گریمى وەرگرتووە و مۆسیقاى چەندین فیلمى بەنێوبانگ و گەورەى وەرگرتووە و ئێستا تەمەنى ٦٨ ساڵە.
