ئیتاڵیا ڕایگەیاندووە ١٤ تۆن مادەی هۆشبەری هاندەری ئەعساب" بیروهۆش"ی ئامفتامینی دەستبەسەرداگرتووە کە لە لایەن گرووپی داعش لە سوریە بەرهەم هێندراوە. ئەو مادە هۆشبەرە لە چوارچێوەی ٨٤ ملیۆن حەبدا و بە بەهای ملیاردێک یۆرۆ لە سوتیە بەرەو ئیتالیا هەناردە کراون.

سەرکۆماری فەرانسە ڕایگەیاندووە: تورکیە ژمارەیەکی زۆر چەکداری جیهادی لە سوریەوە بۆ لیبی گواستۆتەوە. ماکرۆن ڕۆژی سێشەممە ١٠ی پووشپەڕ بە تۆمەتبار کردنی ئانکارا بە ناردنی جیهادی بۆ لیبی، ڕۆڵی تورکیەی لەو وڵاتەی بە تاوانبارانە ناوزەد کرد.

فیلیپی یەکەم، پادشای بلژیک ڕۆژی سێشەممە بۆ یەکەمین جار بەهۆی ڕابردووی داگیرکەرانەی وڵاتەکەی داوای لێبوردنی کرد. پادشای بلژیک هاوکات لەگەڵ شێستەمین ساڵیادی سەربەخۆیی کۆنگۆ بە ناردنی نامەیەک بۆ سەرکۆماری ئەو وڵاتە باسی لەو برینانە کردووە کە لە سەردەمی داگیرکردنی کۆنگۆ بەجێماوە. 

هێمن ڕەحیمى زیندانییەکى ئاسایی زیندانى ناوەندى بانە کە بە پێى قسەى بنەماڵەکەى بڕیار وابوو بە پێى یاساى ئازادى مەرجدارى زیندانیان، دوو حەوتووى دیکە لە زیندان ئازاد بێت، بو هۆى کەوتنەخوارەوەى لە زیندان تووشى زەرب