کوردستان

محەممەد عەلی وەیسی(ڕۆژهەڵات)، یەکێک لە چالاکوانانی ژینگەپارێزی کورد و خەڵکی سەقز لە لایەن هێزەکانی وەزارەتی ئیتلاعاتەوە دەستبەسەر و بۆ شوێنێکی نادیار گواسترایەوە.

ئەنوەر ڕەمەزانپوور خەڵکی مەهاباد و خێزاندار و باوکی منداڵێک و تەمەن ۳۴ ساڵان، لە ڕێکەوتی 25ی جۆزەردانی ۱۴۰۳ بێ سەروشوێنە.

ڕەها، کچێکی خەڵکی ئیلام، کە لە تەمەنێکی زۆر کەمدا ناچار بە هاوسەرگیری کرا، توانی بەسەر کۆسپەکانی ژیاندا زاڵ بێت و ڕێگەی خوێندن و سەرکەوتن بگرێتەبەر. چیرۆکی ڕەها نموونەیەکە لە خۆڕاگری و ئیرادەی پۆڵایینی مرۆڤێک کە لە قووڵایی ناخۆشییەکانەوە، چرای هیوا و ئایندەیەکی گەش داگیرسێنێت.

بەڵگەفیلمی "ئاوازی باڵەکان"، بەرهەمی دەرهێنەری ڕۆژهەڵاتی کوردستان هێمن خالیدی، لە سیهەمین خولی فێستیڤاڵی نێودەوڵەتی فیلمی بوسان لە کۆریای باشوور، کە گەورەترین فێستیڤاڵی فیلمە لە ئاسیا، پلەی یەکەمی بەشی بەڵگەفیلمەکانی پێبەخشرا.

یونسکۆ براوەکانی حەوتەمین خولی پێشبڕکێی نێودەوڵەتی فۆتۆگرافی "ڕوانگەی گەنجان بۆ ڕێگاکانی ئاوریشم"ی ڕاگەیاند، کە تێیدا فەربود باوەئی، فۆتۆگرافەری گەنجی خەڵکی شاری سەقز، بە وێنەی "کچێکی سوارچاک" پلەی یەکەمی بەدەستهێنا.

 لە قوتابخانەکانی شاری بۆکان و گوندەکانی ئەو شارە بڕە پارەیەکی زۆر وەک تێچووی کتێب لە قوتابییانی قۆناغی سەرەتایی داوا کراوە.

لە ماوەی ڕۆژانی ڕابردوودا، سرووش یووسفزادە خەڵکی مەهاباد، لە لایەن لقی یەکی دادگای شۆڕشی مەهاباد، سزای شەش مانگ بەندکرانی بەسەردا سەپێندرا.