هەواڵدەری فارس کە سەر بە سوپای پاسدارانە بە وەڕێخستنی بەرنامەیەک داوای پشتیوانی خەڵکی کردووە لە ئەندامانی گرووپەکانی فاتمیون و زێنەبیون و داوای کردووە کە مافی هاووڵاتی بوونی ئێران بە خۆیان و بنەماڵەی ئەو ملیشیا تیرۆریستیانە بدرێت.
هەواڵدەری فارس لەمەر هۆکاریت هێنانە ئارای داوای پێدانی مافی هاووڵاتی بوون بەو هێزانە پاساوی ئەوەی هێناوەتەوە کە ئەو وڵاتانەی کە ئەو هێزانە خەڵکی ئەوێن مافی هاووڵاتیبوونیان لە فاتمیون وزێنەبیون ئەستاندۆتەوە . " ئەوە ڕاست نییە و درۆیە".
ئامانجی خامنەیی و سەردارەکانی سوپای پاسداران لە نیشتەجێکردنی ئەو هێزانە سەرکوتی ئاسانتری خەڵکی ئێرانە. سوپای پاسداران باش ئەوە دەزانێ بەجێهێشتنی سوپا و هێزە چەکدارەکان رووی لە زیاد بوونە و بە درێژە کێشانی سەرهەڵدانەکان هێزەکان خۆیان دەبوێرن لە سەرکوتی خەڵک و ئەو دەمەیە کە ڕژیم کەڵک لە هێزەکانی فاتمیون و زێنەبیون وەردەگرێ بۆ سەرکوتی خەڵک.
پێویستە خەڵک ئاگاداری پیلانەی خامنەیی دیکتاتۆر و سوپای پاسدارانی تیرۆریست بن.
