گەڕى دووەم و زۆر بەربڵاوى گەمارۆ ئابوورییەکانى ئەمریکا لەسەر کۆمارى ئیسلامى، بە دانانى گەمارۆ لەسەر سوپاى پاسداران، ئەوڕۆ دەستى پێ کرد و ئەم لەنێولیستدانانە بە شێوەى فەرمى و یاسایی لەمڕۆوە دەچێتە بوارى جێبەجێکردن و بەدواداچوونى ئەمریکا و هەموو دونیاوە.
پێرستى بە تیرۆریستدانان سوپا، تەنیا سوپاى پاسداران ناگرێتەوە، بەڵکو لەخۆگرى ٦٧ ڕێکخراوى تیرۆیستى دیکەشە وەک حیزبوڵا و حەماس و جیهادى ئیسلامى فەلەستین و کەتائیب ـ حیزبوڵا و تیپەکانى ئەلئەشتەر.
دانانى سوپاى پاسداران وەک ڕێکخراوێکى تیرۆریستى بیانى، دیارى دەکات کە ئێران ڕژێم و دەسەڵاتێکى یاساشکێنە کە پشتیوانى تیرۆریزمى نێودەوڵەت و جیهانى دەکات و سوود لە وڵاتانى ناوچەکە وەردەگرێت بۆ شێواندنى ئەمنیەتى دونیا و سوپاى پاسداران هێزێکى فەرمى دەسەڵاتە لە ئێران کە چل ساڵ بەر لە ئێستا و لە کاتى شۆڕشى گەلانى ئێران، درێژە بە کردەوە تیرۆریستییەکانى خۆى و پاڵپشتى تیرۆریزم لە دونیا دەدات.
