دەیڤید کاستاف نوێنەری کۆماریخوازی ویلایەتى تێنسی و جاش گاتهایمر نوێنەری دیموکرات لە ویلایەتى نیۆجێرسی ڕەشنووسی یاسایەکیان بە ناوی "ڕاگڕتنی ئولیگارش و دامەزراوە گەندەڵەکانی ئێران" داڕشتووە.
ئۆلیگارشی یان گرووپ سەروەری چەمکێکی سیاسییە بە واتای دەسەڵاتداری گرووپێکی چکۆلە، گەندەڵ و ناوەڵامدەر لەسەر خەڵک کە کۆکردنەوەی سامان لە ڕێگەی دزی مڵکی گشتی کردووەتە سەربوردەی کاری خۆی.
ئەگەر ئەو ڕەشنووسە ببێتە یاسا، وەزارەتی خەزێنەداری ئەمریکا ئەرکدار دەکرێ بە ڕاوێژ لەگەڵ وەزارەتی دەرەوە و سەرۆکی ئیدارەی زانیاری نەتەوەیی بۆ ناسین و درووستکردنی لیستی ئۆلیگارشی، دەسەڵاتدارانی پلەبەرز و دامەزراوەکانی کۆماری ئیسلامی و ئەو کەسانەی کە بە نرخی زیاد بوونی دەرد و مەینەتییەکانی خەڵک ئێران خەریکی کۆکردنەوەی سامان و بە تاڵانبردنی داراییەکانی ئەو وڵاتەن. ئەو گەڵاڵەیە بۆ ئەوەی ببێتە یاسا پێویستە لە کۆمیتەی خزمەتگوزاری مەجلیسی نوێنەران پەسەند بکرێت و دواتر بۆ کۆنگرە و سەنای ئەو وڵاتە بنێردرێت.
لە کۆتاییدا ئەو گەڵاڵەیە بە واژووی سەرکۆماری ئەمریکا دەبێت بە یاسا
