هەڵوێستگۆڕینی وڵاتانی عەرەبی و نیزیکبوونەوەیان لە ئیسرائیل، دوای شەڕی شەش ڕۆژەی ناسراو بە شەڕی ئیسرائیل ـ عەرەب ماوەیەکە بووەتە وەرچەرخانێکی گەورە لە پەیوەندی نێوان تەلئەبیب و ئەو وڵاتانە.
چەند مانگ بەر لە ئێستا سەرۆکوەزیرانی ئیسرائیل سەردانی عەممانی کرد و لەگەڵ دەسەڵاتدارانی ئەو وڵاتە کۆ بووە و ئەوە وای کرد کۆماری ئیسلامی کاردانەوە لە خۆی نیشان بدات و بەو دیدارە تووڕە بێت.
بنیامین نەتانیاهۆ سەرۆکوەزیرانی ئیسرائیل، پێش دەستپێکردنى کۆنفڕانسی وارشۆ ڕایگەیاند ئەگەرچی وارشۆ ساردە، بەڵام پەیوەندییە دیپلۆماتیکەکانی ئێمە گەرم و گوڕن کە ئاماژەیەکە بە نیزیکبوونەوەی پتری هەڵوێستی وڵاتانی عەرەبی و ئیسرائیل. لە لایەکی دیکەوە، تزیپی لیۆنی وەزیری دەرەوەی پێشووی ئیسرائیل و سەرۆکی حیزبی کادیما لە پەراوێزی کۆنفڕانسی مونیخ لەگەڵ یوسف بن عەلەوی وەزیری کاروباری دەرەوەی عەممان کۆ بووە.
ڕۆژی چوارشەممە و لە ڕەوتی بەڕێوەچوونی کۆنفڕانسی وارشۆ وەزیری دەرەوەی عەممان بە جیا چاوی بە بنیامین نەتانیاهۆ سەرۆکوەزیرانی ئیسرائیل کەوتبوو.
