بەپێی هەواڵی گەیشتوو به ئاواتودەی، ڕێکخراوی تیروریستی ئیتلاعات و سوپای قودس بۆ پەرەدان به پیلانەکانیان دژ به کورد و کوردستان و پەره دان به دیاردەی جاشایەتی، ناوەندێکی سیخوری له ژێر ناوی چالاکی کەلتوری له سلێمانی دامەزراندووه. ئەرکی ئەم ناوەنده پەروەردە کردنی خۆفرۆش وجاش وبەکرێگیراوه بۆ ئێران.
ڕێکخراوی تیرۆریستی ئیتلاعات و سپای قودس له چالاکییەکی هاوبەشدا، لقێکی دیکه له "ناوەندی فەرهەنگیی کۆماری ئیسلامیی ئێران"یان له شاری سلێمانی، له شەقامی زەڕگەتەی دامەزراندووه تاکوو لەم ڕێگا بتوانن هێزی مرۆیی پێویست بۆ جاشایەتی و بەکرێگیرایی بەدەست بهێنن.
ئەم ناوەنده به رواڵەت کەلتوریه، ئەرکی دەستنیشان کردن و ڕاکێشانی تاکەکەسەکانی بەئەستۆیه بەمەبەستی جاشایەتی و سیخۆری کردن بۆ ئێران. کادر و کارمەندانی ئەم ناوەنده، له زیرەکترین ئەندامانی ئیتلاعاتی و سوپای قودس هەڵبژێردراون تا بە کەمترین هەڵه بتوانن تاکەکان بۆ نێو تۆڕی جاشایەتی و سیخوری بۆ ئێران، ڕاکێشن.
لەم ناوەنده دوای ڕاکێشانی تاکەکان و وەرگرتنیان وەکوو جاش و بەکرێگیراو، چەندین خولی ڕاهێنانی چڕ بۆ ئەو بەکرێگیراوان بەڕێوەدەچێت و دواتر بەپێی ئامانجی دیاریکراوئەرکی هەر کەسێکیش دیاری دەکرێت و هەموو کەرەستەیەک بۆ سەرکەوتن له ناپاکییەکەی پێدەدرێت.
یەکێک له ئامانجەکانی ئەم ناوەنده، پەروەرده کردنی کەسانێک شارەزا له بواری مێدیایی و ڕاگەیاندنه تاکوو بتوانن له ڕێگای سۆشیاڵ مێدیا یان ماڵپەرەکان یان ئاژانسە هەواڵەکان، زانیاری هەڵه و دژ بە بەرژەوەندییەکانی کوردستان بلاو بکەنەوه و کۆمەڵگای کوردستان له هەموو پارچەکان، بەتایبەتی باشوور و ڕۆژهەلات، بەرەو ئاژاوه و ناکوکی ببەن.
هەروەها لەم ناوەنده لەسەر تایبەتمەندیەکانی کورد و کوردستان خوێندنەوەی چڕ دەکرێت و شوێنه ناکوکییەکان، وەکوو ناکوکی زاراوەیی و عەشیرەتی، دەستنیشان دەکرێت و دواتر هەوڵ دەدرێت بۆ بەربڵاوتر کردنی ئەو ناکوکیه ولەنێوبردنی هەست و هزری یەکبوونی له کوردستان.
بەڕێوەبەرانی ئەو پیلانگێڕیەش، هەرئەو کۆمەڵە کەسه دەبن که بەڕواڵەت کوردن بەڵام له ئامانجەکانی ئێران دەپێکن و خزمەتی کۆموری ئیسلامی دەکەن.
بە پێی ئەو ڕاپورته که بەدەستی ئاواتودەی گەیشتووه، ئامانجی سەرەکی "ناوەندی فەرهەنگیی کۆماری ئیسلامیی ئێران" ئەمانەیه:
١- دەستنیشانکردن و ڕاکێشانی هێزی مرۆیی له هەموو چین و توێژەکانی کۆمەڵگای کوردی بە مەبەستی پەروەردە کردنیان بۆ جاشایەتی و بەکرێگیراوی.
٢- بەڕێوبردنی پیلانە دژه نەتەوەییەکانی ئێران له ڕێگای کەسانی هەڵبژێردراو و ڕاهێنراو.
٣- دروست کردن یان قووڵتر کردنی ناکوکی و ئاژاواه لەو شوێنانه که بە دی دەکرێت وەکوو چێ کردنی ناکوکی له نێوان زاراوەکان یا عەشیرەتەکانی کوردستان.
٤-سووک کردن و بێ واتاکردنی چەمکە نەتەوەییەکان له ڕێگای جاش قەڵەمەکان و بڵاو کردنی هێزری ئیسلامی سیاسی له نێو کۆمەڵگا دژ به نیشتمانپەروەری.
٥- دروست کردنی ڕق و کین دژ به هەر جوره دەسەلاتێکی کوردی و بەدڵسۆز پیشان دانی دەسەلاتی داگیرکەران، جا هەر کام له داگیرکەران بێت کێشه نییه.
٦- بەخشینی پاره بە چینی تایبەتی کۆمەڵگا که پلانی کەلتوری، هونەری، زانستی یان کۆمەڵایەتییان هەیه و پێویستیان به پارەیه بۆ بەڕێوەبردنی پلانەکەیان، تا لەو ڕێگایه بتوانن له پروسەیەکی نەرم و نیان، بۆ جاشایەتی رایان کێشن.
دڵسۆزان و ئەویندارانی کوردستان له ڕێگای ئاواتودەی داوایان لەگەڵی کورد له هەموو پارچەکانی نیشتمان کردووه ئاگایان له پیلانەکانی کۆماری ئیسلامی ئێران بن که له ژێر ناوی چالاکی کەلتوری بەڕێوه دەچێت و به هوشیارییەکی تەواو هەڵسوکەوتی لەگەڵ بکەن.
بێشەک به هۆشیاری و ئاگاداری نەتەوەیی، دەتوانین بەرپرچی پیلانەکان دوژمەن بدەینەوه.
