AvaToday caption
پێکوتەى دژ بە ڤایرۆسى کۆڕۆنا لە ئەمریکا سەرى گرت و بڕیار وایە لە دوو مانگدا ٥٠ ملیۆن کەس ڤاکسێنە بکرێت.
یەکەم لێدانى ڤکسێنەکەش لە کالیفۆرنیا دەستى پێکرد کە پەرستارێک بوو بە ناوى هێلین کۆردۆڤا و بڕیاار وایە لەم ویلایەتە ٢٠ ملیۆن کەس لێیان بدرێت.
دکتۆرەکان بۆیان دەرکەوتووە کە ڤاکسێنەکە هیچ کێشەیەکى نەرێنى لە جەستەى هێلین دروست نەکردووە و بەمەش جۆرێک لە دڵنیایی دروست بوو لەسەرى.
ئێستا پێکوتەى دژ بە ڤایرۆسى کۆڕۆنا کە پێویستە لە بن ٧٠ پلەی ژێر سفر هاتوچۆى پێ بکرێت، لە نیویۆرک و تێکزاس و ئارکنساس دەستى پێ کردووە و ئەمریکاش بۆ ئەمە ئامادەکارى تەواوى کردووە.
شایەنى باسە تا ئێستا لە دونیادا زیاتر لە ٧٣ ملیۆن کەس تووشى ئەم ڤایرۆسە بووە و زیاتر لە ملیۆنێک و ٦٠٠ هەزار کەسیش گیانى لەدەست داوە.
