رۆژی سێشەممە، ئەدیب خالیدیان،ئەندامی سەرکردایەتیی پارتی ئازادی کوردستان راگەیاند: "لە کاژێرێکدا بە 5 مووشەکی بالیستی هێرش کرایەسەر بنکەی چەمشار لە نزیک کەمپی دارە شەکران لە پارێزگایهەولێر."
پیت هێگسێت، وەزیری جەنگی ئەمەریکا، هۆشداریی دایە کۆماری ئیسلامیی ئێران بەوەی ئەگەر جارێکی دیکە کەشتییە بازرگانییەکان لە تەنگەی هورمز بکاتە ئامانج، ئەمەریکا "دە هێندە توندتر" هێرشی دەکاتە سەر.
سەرۆکی ئەمەریکا لە تۆڕی کۆمەڵایەتیی ئێکس تیشکی خستە سەر لەسێدارەدانی چەند هاووڵاتییەکی گەنجی ئێران کە لە چەند ڕۆژی ڕابردوودا لەلایەن کۆماری ئیسلامییەوە لەسێدارە دراون و بەرپرسانی ئێران بە "دڕندە" ناو دەبات.
چەند ناوچەیەکی سەربازی و بنکەی ڕادار لە پارێزگاکانی ئیلام و سنە لە ڕۆژهەڵاتی کوردستان کرانە ئامانج و زیانی ماددییان پێگەیشت؛ بەرپرسێکی ناوچەکەش دەڵێت هێرشەکان لەلایەن هێزەکانی ئەمریکاوە ئەنجامدراون.
هێزەکانی سوپای پاسدارانی ئێران لە هەوارگەی «دۆڵەلێنێ»ی کوێستانی قەندیل تەقەیان لە شوانکاران و مەڕوماڵاتی هاووڵاتییان کرد، کە لە ئەنجامدا شوانێكی تەمەن ٦٩ ساڵ بە ناوی (وسوو حەسەن محەممەد) بریندار بووە و چەندین سەر مەڕیش کوژران.
ژان نویل بارو، وەزیری دەرەوەی فەرەنسا ڕایگەیاند، ئێوارەی ڕۆژی یەکشەممە دوو کارمەندی باڵوێزخانەی ئەو وڵاتە لە تاران لە لایەن ھێزە ئەمنییەكانی كۆماری ئیسلامییەوە، دەستبەسەر و لێپرسینەوەیان لەگەڵ کراوە و مامەڵەی "زۆر جیددی و تۆقێنەرانە"یان لەگەڵ کراوە.
ئاژانسی هەواڵی ڕۆیتەرز بە پشت بەستن بە بەرپرسێکی باڵای کۆماری ئیسلامیی ئێران بڵاوی کردووەتەوە نێوەندگیران پێشنیارێکیان پێشکەش بە کۆماری ئیسلامیی ئێران کردووە کە ئامانج لێی کەمکردنەوەی گرژییەکانی شەڕە لەگەڵ ئەمەریکا.
پارتی ئازادی کوردستان ڕایگەیاند: "بەپێی پشکنینە پزیشکییەکان بۆ دۆخی ٩ پێشمەرگەی برینداری هێرشەکە و ئەو ئاگرە بەرفراوانەی لە ژینگە و شوێنی ڕووداوەکە کەوتووەتەوە، دەرکەوتووە کە ئەو چەکەی بەکارهاتووە فۆسفۆری سپیی تێدا بووە."
پۆلیسی سیستان و بەلووچستان ڕایگەیاند، بەیانیی ئەمڕۆ مەولەوی محەممەد ئەنوەر ڕێگی، ئیمام جومعەی سوننە مەزهەبەکانی شاری میرجاوە، لەلایەن چەکدارانی نەناسراوەوە تیرۆر کرا.
سێ چالاکوانی مەدەنی و ژینگەیی خەڵکی شاری ڕوانسەر بە ناوەکانی خەلیل پەرەندەک، شەهاب سولەیمانی و ئیدریس گوڵمحەممەدی، لەلایەن هێزە ئەمنییەکانی ڕێکخراوی هەواڵگریی سپای پاسدارانەوە دەستبەسەر کران.
