ڕۆژنامەکانى ئوسترالیا لە هەنگاوێکى سیمبولیکدا، ڕۆژى دووشەممە ٢٩ى ڕەزبەر، لاپەڕەى یەکەمى خۆیان بە ڕەشى بڵاو کردەوە. ئەم هەنگاوەش وەەک ناڕەزایەتى بە سیاسەتەکانى دەوڵەتى موحافیزەکارى ئەو ولاتە بوو بەرامبەر ئەو سنوورداریەتى و نەبوونى پاڵپشتى ئازادى بەیانەى کە لەو وڵاتە هەیە.
١٩ میدیا و یەکیەتى ڕۆژنامەنووسان کە هەندێکیشیان کێبەرکێ لەگەڵ یەکترى دەکەن، لەم هەنگاوەیاندا هاورا و لەگەڵ یەکترى بوون، و هەنگاوەکەشیان ناو نابوو "مافى ئێوە بۆ زانین".
پێش لەوەش لە مانگى جۆزەردان، پۆلیسى فیدراڵى ئوسترالیا، لە ئۆپەراسیۆنێک بە مەبەستى گەڕان بۆ دۆزینەوەى ئەو سەرچاوەیەى بەڵگە دەوڵەتییەکان ئاشکرا و دزەى کردبووە نێو ڕاگەیاندنەکانەوە، هێرشى کردە سەر ئۆفیسێکى هەواڵى و ماڵى ڕۆژنامەنووسێک. لەو پەیوەندییەشدا پارێزەرەێکى پێشووى سوپا تۆمەتبار کرا بە ئاشکراکردنى گەندەڵییە دەوڵەتییەکان و ئێستا چەندین ڕۆژنامەنووسیش ڕووبەرووی مەترسى مەحکومبوون و تۆمەتباربووندان.
دەیڤید ئەندرسۆن بەڕێوەبەرى تۆڕى میدیایی ئەى.بی.سی ئوسترالیا بە بڵاوکردنەوەى بەیاننامەیەک هۆشدارى داوە کە ئەم وڵاتە لەگەڵ "مەترسى گۆڕان بۆ نهێناویترین دیموکراسى دونیا" ڕووبەڕوویە.
