ڕۆژی یەکشەممە ٢١ خاکەلێوە، ئیحسان حەمزەزادە قوتابیی تەمەن ١٧ ساڵ و خەڵکی گوندی "قالوێ" سەر بە شاری بۆکان و دانیشتووی میراوای ئەم شارە لەلایەن هێزەکانی ئیدارەی ئیتلاعات لە شاری بۆکان دەستبەسەر و بۆ شوێنێکی نادیار گواسترایەوە.
سەرچاوەیەکی نزیک لە بنەماڵەی حەمزەزادە لەم بارەیەوە گوتی: "ئیحسان قوتابیی پۆلی ١١ی قوتابخانەی مێعراج لە شاری بۆکانە و بە هۆی بەشداریکردنی لە ڕێوڕەسمەکانی تایبەت بە نەورۆز دەستبەسەر کراوە."
ئەم سەرچاوەیە هەروەها گوتی کە هێزەکانی ئیدارەی ئیتلاعات سەرەتا بە فێڵ ئیحسانیان بۆ کتێبخانەی گشتیی شاری بۆکان بانگکردووە و کە نزیکی کتێبخانە بووەتەوە چەند ئۆتۆمبێلێکی هێزەکانی ئیدارەی ئیتلاعات ناوبراویان دەستبەسەر کردووە.
تاکوو داڕشتنی ئەم هەواڵە هیچ زانیارییەکی ورد لەسەر چارەنووس و شوێنی ڕاگرتنی ئەم مێرمنداڵە لەبەر دەست نییە.
