ئانجلینا جولی داوای بەشداری ژنان دەکات لە پڕۆسەی ئاشتی ئەفغانستان

سینەماکار و ئەکتەری بەناوبانگی هالیوودی ئەمریکا و لە چالاکانی مافی پەنابەران لە دانیشتنێک لە رێکخراوی نەتەوە یەکگرتووەکان گووتی پێویستە ژنان لە دانوستانەکانی ئاشتی بۆ کۆتایی هێنان بە شەڕ لە ئەفغانستان بەشدار بن.

ئانجلینا جولی لە درێژەی قسەکانیدا گووتی بێدەنگی کۆمەڵگەی جیهانی سەبارەت بەو پرسە جێگەی نیگەرانییە. ئاشتی و سەقامگیری لە ئەفغانستان و لە هیچ جێگایەکی دیکەی جیهان ناکرێ بە معامەلە کردن لەسەر مافەکانی ژنان جێگیر بکرێت.