دونیاى ئەدەبیات لە ساڵى ٢٠١٩ى زایینى، شاهیدى لەدەستدانى چەندین ڕووخسارى گەورە بوو کە دەکرێت لە نێویاندا ئاماژە بە یەکەمین نووسەرى ڕەشپێستى براوەى خەڵاتى نۆبێڵى ئەدەبیات و هەروەها نووسەرى کتێبە خۆشەویستەکانى منداڵان بکەین.
تۆنى مۆریسۆن نووسەرى ئەمریکایی و یەکەمین ژنى ڕەشپێستى براوەى خەڵاتى نۆبێڵى ئەدەبیات، یەکێک بوو لەو کەسایەتییە گەورانەى ئەدەبیات کە لە ساڵى ٢٠١٩ى زایینى و لە تەمەنى ٨٨ ساڵیدا کۆچى دوایی کرد. هەروەها جودیت کێر نووسەر و نیگارکێشى دیارى ئەدەبیاتی منداڵان و مێرمنداڵان و ئەفڕێنەرى زیاتر لە ٣٠ کتێبی وێنەدارى "ئەو بەبرەى کە چووە زگ چایی" نێوبانگێکى گەورەى بەدەست هێنا، لە تەمەنى ٩٥ ساڵی و ئەمساڵ کۆچى دوایی کرد.
هارۆڵد بلوم ـى نووسەر و ڕەخنەگرى ناودارى ئەدەبیات لە ئەمریکا و مامۆستاى زانکۆى ییل کە زیاتر بە خستنەڕووى "تیۆرى دزەکردن" لە نێو دونیاى ئەدەبیات ناسێنرا، لە تەمەنى ٨٩ ساڵیدا کۆچى دوایی کرد.
سارا دانیۆس فەیلەسووف و ڕەخنەگرتنى ئەدەبی کە وەک یەکەم ژن سەرۆکایەتى سویدى نۆبێڵى ئەدەبیاتى لەئەستۆ بوو، لە ساڵى ٢٠١٩ى زایینى و لە تەمەنى ٥٧ ساڵیدا بە هۆى شێرپەنجەوە کۆچى دوایی کرد.
لە نووسەرانى دیکە و دیارى ئەدەبیات کە لە ساڵى ٢٠١٩ى زایینى کۆچى دواییان کرد، دەکرێت ناوى جودیس ڕیچ هریس، مکارى ئۆلیۆر، بێتى بالانتاین، تۆنى هۆرۆیتز، ئەدمۆند مۆریس، لویس ویل و ئاندرە ئەى کامیلرى ئاماژە بکەین.
