پاش هێرشی هێزەکانی ئیدارەی ئیتلاعات بۆ سەر کلیسای ئینجیلی کریستیانەکان، کە چەند کەس لە ئەندامانی ناوەندی بەڕێوەبەری فەرمانی ئیمامی تەورێزیش هاوڕێیەتیان دەکرد، کلیساکە داخرا و خاچێک کە لەسەر گومەزەی ئەم شوێنە ئایینیە هەڵواسرابوو، لەلایەن هێزەئەمنییەکانەوە کێشرایە خوارەوە.
ئەم کلیسایە پێشینەیێکی ۱۰۰ ساڵەی هەیە و لە ئاسەواری نەتەوەیی ئێران بە هەژماردێت. سام براون سەفیری ئەمریکا لە کاروباری ئازادی ئایینی لە ئێراندا دوێنێ لە وتووێژێک لە گەڵ دەنگی ئەمریکا گوتی: ڕژێمی ئێران لە ئازار و ئەشکەنجەدانی کەمینەئایینیەکان خراپترین کارنامەی لە نێو پێڕستی ئەووڵاتانەی هەیە کە خەریکی ئازار و ئەشکەنجەی کەمینەئایینیەکانن. ئەم ڕژێمە بە دیکتاتۆرییەتیەکی شیعەوە کە دایمەزراندووە، هەر بیر و بڕوایێکی پێناخۆش بێت ئازار ئەدا و هەوڵی سڕینەوەیان ئەدا.
سام براون لە کۆتایی قسەکەیدا گوتبووی: پرسیارم لە کۆماری ئیسلامی ئەوەیە بۆچی لە ئازادی ئایینی و مەزهەبی لە ئێراندا ترسی هەیە؟
