ئەمین خانچرلى کوڕى موحسین خانچرلى فەرماندەى هێزە ئینتیزامییەکانى تارانى ڕۆژئاوا، یەکێک لە دەڵاڵانى تاران، بە سوودوەرگرتن لە پلە و پایەى باوکى، زیاتر لە ٥٠٠ ملیار تمەن پارەى کاشىى دەست کەوتووە.
ئەمین خانچرلى، ٥ ساڵ لەمەوپێش کافە تارانى لە شەقامى فریشتە هەبوو کە یەکێک لە گرانترین گەڕەکەکانى تارانە و بە بەرتیل و دەسەڵاتى باوکى بەدەستى هێنا. ئەم ئاغازادەیە پێشتر لە ڕێگەى بەردیا گوڵزار براى محەمەد ڕەزا گوڵزارى ئەکتەر لە کافە ئەنار (هەنار) جۆردەن هاوکار بوون.
ئەمین خانچرلى لە ڕێگەى باجگرتن لە فرۆشیارە زەبەلاحەکانى مادەی هۆشبەرى ڕۆژئاواى تاران و بە پارێزراوى و حەسانە وەرگرتن لە هێزە ئینتیزامییەکان بۆ گرتنى قاچاخچییەکانى تاران، ئۆتۆمبێلێکى لاندکرۆزەرى خۆڵەمێشى و بی ئێم دەبلیۆیەکى ٥٢٨ و سێ ئۆتۆمبێلى لۆکسى وەرگرتووە.
ئەمین خانچرلى، دۆست و هاوڕێی ئەمین قاچاخچییەکانى مادەى هۆشبەر کە لە وێنە دەستکەوتووەکانى تۆڕى میدیایی ئاڤاتودەى و لە بنەوە دەیانبینن خەریکى گفتوگۆى زیندوو لە نێو بازنەى دۆستانى خەلافکار لەگەڵ ئیمان بەشیرى قاچاخچى بەنێوبانگە کە لە ساڵانى ٩١ تا ٩٣ بە تاوانى فرۆشتنى ماددەى هۆشبەرى شیشە، حوکمى ئیعدامى بۆ دەرچوو، بەڵام بە هۆى باوکى ئەم ئاغازادەیە بێگوناه دەرچوو.
دەوڵەتێک کە کوڕى سەرۆک پۆلیسەکەى لەگەڵ قاچاخچییەکى بەنێوبانگى پایتەخت دەستى تێکەڵ کردبێت، ئەنجامەکەى نەبوونى ئاسایش و نادادپەروەرییە بۆ هاووڵاتییەکانى و دەبێتە هێلانەیەکى ئەمن بۆ فرۆشیارانى ماددەى هۆشبەر.
