لە ئەنجامى بۆمبارانەکانى غوتەى ڕۆژهەڵات، ١٣ کەسى دیکە گیانیان لەدەست دا

'ئانتۆنیۆ گۆتێرێز'ـى سکرتێرى گشتى نەتەوە یەکگرتووەکان، غوتەى ڕۆژهەڵاتى بە "دۆزەخى زەمینى" لەقەڵەم دا و خوازیارى کۆتایی هەر جۆرە ئۆپەراسیۆنێکى سەربازى لەم ناوچەیە بوو و ئەنجێلا مێرکڵیش هۆشدارى ئەوەى دا کە "ئێمە پێویستە هەرچى لە تواناماندا هەیە بیکەین بۆ کۆتاییهێنان بەم کۆمەڵکوژییەى کە لە سوریە ڕوو دەدات". سەبارەت بە خراپتربوونى دۆخى غوتەى ڕۆژهەڵات کە لە کۆنتڕۆڵى دژەکانى ئەسەددایە، ڕێکخراوە نێودەوڵەتییەکان چەندین بار هۆشدارییان داوە، ناوچەیەک کە ٤٠٠ هەزار کەسى لێ نیشتەجێیە و ئێستا ڕووبەڕووى کەمى دەرمان و خۆراک بووتەوە.