جەلالى مەلەکشا لە دڵى هەمووماندایە

پێنجشه‌ممه گرووپێک لە چالاکانی فه‌رهه‌نگیی شاری مەریوان چوونە سنە بۆ سەردانى شاعیرى کوردپەروەر جەلالى مەلەکشا. چالاکە مەریوانییەکان بە ناوی یارانکۆی خۆشه‌ویستی سەردانى ئەم شاعیرەیان کردبوو.

لەوحى ڕێزلێنانیشیان پێ بەخشى لەپاى ئەو ئەو ئەدەبە بەرگری و حیماسییەى کە تا ئێستا پێکەش بە ئەدەبی کوردى کردووە و هەروەها بۆ ئەو هەڵوێستە شۆڕشگێڕانەى کە بەرامبەر دەسەڵات هەیبووە.

لە لەوحى فەرهەنگییەکانى مەریواندا نووسراوە "ئەى شاعیرى پەراوێزى ڕوانینەکان، زویر مەبە لە چاوماندا هەڵتدەگرین. نە ئەمە دواهەمین نامەى تۆیە بۆ دڵدارە بەپەلەکەت و نە ئێرە جێگەى شیعر ئەکاتەوە!"