ئەستی چۆغەر، داپیرەی فەرزین، بە لێدان دەموچاوی شین بووەتەوە
هێزەکانی رێکخراوی ئیتلاعاتی سوپای پاسداران لە شاری پیرانشار چوونەتە سەر ماڵی کەسوکاری چالاکڤانێکی سیاسی کورد و زۆریان لێداون، بەجۆرێک کە سەروچاوی داپیرەی شین هەڵگەڕاوە.
فەرزین تووت چالاکڤانی سیاسی خەڵکی پیرانشارە و لە باشووری کوردستان نیشتەجێیە، بەڵام هێزەکانی رێکخراوی ئیتلاعاتی سوپای پاسداران رۆژی ٢٨ی ڕێبەندانی ١٤٠٣ لە شاری پیرانشار هێرشیان کردووەتە سەر کەسوکاری.
ئەستی چۆغەر، داپیرەی فەرزینە و تەمەنی ٨٠ ساڵە و سەعادەت بایزیدی، دایکی، تەمەنی ٤٥ ساڵانە و بەپێی راپۆرتی رێکخراوی مافی مرۆڤی هانا، ٦ ددانی دایکی شکاوە و داپیرەشی بەهۆی لێدانەوە دەموچاوی رەش و شین بووەتەوە.
لەو هێرشەدا جگە لە ئەشكەنجە و ئازاری ئەندامانی خێزانەکەی، کەلوپەلی ناوماڵیشیان شکاندوون.
