هەواڵدەری نیوزویک ڕۆژی ٤ی جۆزەردان بڵاوی کردەوە ئاژانسی نێودەوڵەتی وزەی ئەتۆم لە دانیشتنی سێ مانگەی خۆیدا بە دەستەی سەرۆکایەتی خۆی ڕادەگەیەنێت، ئاخۆ کۆماری ئیسلامی ئیزنی سەردان و دیتنی تەواوی بۆ ناوەندە گرینگە ئەتۆمیەکانی بە داوە یان نا.
لەو ڕاپۆرتەدا دەبێ باس لە ئەنجامی لێکۆلینەوەکانی ئاژانس سەبارەت بە چالاکیە گوماناویەکانی ئێران بکرێت. لە مانگی ئاوریلەوە ڕژیمی ئیران دووری دەکات لە هاوکاری کارناسانی ئاژانسی وزەی ئەتۆم و بۆ کاتکوژی تەنیا باسی بێ ناوەرۆک و بێ بڕانەوە دەکات.
لە چەند حەوتووی ڕابردوودا کۆماری ئیسلامی داخوازی هاوکاری ئاژانسی نێودەوڵەتی وزەی ئەتۆمی تەنانەت دوای سەردانی بەرپرسانی پلەبەرزی ئەو ڕێکخراوە ڕەت کردەوە.
هێزە جیهانیەکان دەبێ بۆ کۆماری ئیسلامی ڕوون بکەنەوە کە چیتر ناتوانێ چالاکیە ئەتۆمیەکانی بشارێتەوە. یان دەبێ ئەو کارە نەکات یان دەبێ سزا بدرێت.
