سەرۆکی بەشی کاروباری تایبەت بە ئێران لە وەزارەتی دەرەوەی ئەمریکا ڕایگەیاند دەوڵەتی ترامپ لێخۆشبوونی کاتی بۆ گەمارۆکانی سەر کۆماری ئیسلامی نوێ ناکاتەوە.

سەرەڕای ئەوەی یونان و ئیتالیا پڕۆژەی لێخۆش بوونی کاتی گەمارۆکان دەیانگرێتەوە، بەڵام ئەو دوو وڵاتە کڕینی نەوت لە ئێرانیان ڕاگڕتووە.

سەرکۆماری ئەمریکا لە کاتی قسە کردنی ساڵانەی خۆیدا گووتی کۆماری ئیسلامی دیکتاتۆرێکی گەندەڵە و ئەمریکا بۆ ڕووبەڕووبوونەوە لەگەڵ ئەو دەسەڵاتە پێداگرە.

عەلا مەشزووب شاعیر و نووسەری شێعەی عێراقی شەوی شەممە لە بەرامبەر دەرگای ماڵەکەی لە کەربەلا لە لایەن کەسانی پێوەندیدار بە قەیس خەزعەلی سەرۆکی حیزبوڵای عێراق و گرێدراوی سوپای قودسی کۆماری ئیسلامی کوژرا.

دژبەرانی مادۆرۆ بە دروشمی "نا بۆ دیکتاتۆری" و "ئەرتەش گەورەیی خۆت بە دەست بێنەوە"، ڕژانە شەقامەکانی ئەو وڵاتە و خوازیارى گەورەترین گۆڕانکارین لە وڵاتەکەیان.