شەپۆلێکی بەفربارینی چڕ و کڕێوە ناوچە جیاجیاکانی ڕۆژهەڵاتی کوردستانی گرتووەتەوە، بەهۆیەوە زیانێکی زۆر بە ژێرخانی کارەبای شارەکانی بانە و سەقز گەیشتووە و هاتوچۆ لە چەندین شاڕێگەی سەرەکی پەکیکەوتووە.
هێزە ئەمنییەکان لە شاری سنە، لە هەڵمەتێکی دەستبەسەرکردندا سێ ژینگەپارێزی ئەو شارەیان دەستبەسەر کرد.
ڕێکخراوەکانی مافی مرۆڤ ڕایدەگەیێنن، هاونیشتمانییەکی خەڵکی بۆکان کە ماوەی 10 ڕۆژە لەلایەن هێزە ئەمنییەکانەوە دەستبەسەر کراوە، لە ناوەندە ئەمنییەکاندا "ئەشکەنجەی جەستەیی و دەروونی" دراوە.
دوای تێپەڕبوونی زیاتر لە چوار مانگ بەسەر دەستبەسەرکردنیدا، مەترسیی دەرکردنی سزای لەسێدارەدان بۆ ئیحسان ڕۆستەمی، چالاکی فەرهەنگیی کورد، بەهۆی تۆمەتبارکردنی بە "بەغی" زیاتر بووە.
تیمەکانی فریاگوزاری لە سنووری شارۆچکەی میراوێ لە سەردەشت، کۆتاییهاتنی ئۆپەراسیۆنی گەڕان و پشکنینیان بۆ چوار هاونیشتمانی ڕاگەیاند کە بەهۆی هەرەسی بەفرەوە بێسەروشوێن ببوون؛ لە ئەنجامدا تەرمی دوو کەس دۆزرایەوە و دووانی دیکەش بە زیندوویی ڕزگارکران.
لە ئیلام دوای ئەوەی هاونیشتمانییەک داواکاراییەکی نایاسایی ئەندامێکی ئەنجوومەنی شارەکەی ڕەت کردەوە، ئەو ئەندامەی ئەنجوومەنی پەلاماری داوە و زۆری لەو هاونیشتمانییە داوە. ئەو ئەندامەی ئەنجوومەنی شاری ئیلام بە گەندەڵی دیکەش تۆمەتبارە.
ڕێوڕەسمەکانی شەوی یەڵدا لە مەهاباد جارێکی دیکە ئەوەی نیشان دایەوە کە تەنانەت نەریتە کولتووری و شادییە نەتەوەییەکانی خەڵکیش لە سەرکوتی سیستماتیکی رێژیمی کۆماری ئیسلامی بەدوور نین.
زانیار محەممەدنژاد، هاووڵاتیی خەڵکی سنە کە لە چەند ساڵی ڕابردوودا بەهۆی چالاکییەکانیەوە چەندین جار دەستبەسەر کراوە، لەلایەن دەزگای دادوەریی ئێرانەوە بە کۆی گشتی چوار ساڵ بەندکردن سزا درا و هێشتا چەند دۆسیەیەکی دیکەشی لەسەر کراوەن.
نزیکەی دوو مانگە چارەنووسی موحسین قادری، ئەندامی پارتی ژیانی ئازادی کوردستان (پژاک) نادیارە، دوای ئەوەی لەلایەن هێزە ئەمنییەکانی ئێرانەوە لە سنووری بانە دەستبەسەر کرا. لە کاتێکدا سوپای پاسداران بە خێزانەکەی ڕاگەیاندووە کە کوژراوە، شایەتحاڵێک دەڵێت بە زیندوویی لە زیندان بینراوە.
عەزیزە مورادیان، هاووڵاتیی دەستبەسەرکراوی خەڵکی مەریوان، لە بەندیخانەی ناوەندیی سنە مانی لە خواردن گرت؛ ئەمەش وەک ناڕەزایەتییەک بەرامبەر بە ناڕوونیی چارەنووسی و درێژکردنەوەی ماوەی دەستبەسەرکردنی.
